15:05, 29 - قاراشا 2019 | GMT +5
ەلباسى كونسۋلتاتيۆتىك كەزدەسۋدىڭ قۇرمەتتى ءتوراعاسى اتاندى
تاشكەنت. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆقا تاشكەنتتە ورتالىق ازيا مەملەكەت باسشىلارى كونسۋلتاتيۆتىك كەزدەسۋىنىڭ قۇرمەتتى ءتوراعاسى مارتەبەسى بەرىلدى، دەپ حابارلايدى قازاقپارات.
«ەكىنشى كونسۋلتاتيۆتىك كەزدەسۋدە دەلەگاتسيا باسشىلارى نۇرسۇلتان نازاربايەۆقا ورتالىق ازيا مەملەكەت باسشىلارى كونسۋلتاتيۆتىك كەزدەسۋىنىڭ قۇرمەتتى ءتوراعاسى مارتەبەسىن بەرۋ جونىندە شەشىم قابىلدادى»، - دەپ جازدى ەلباسىنىڭ باسپا ءسوز حاتشىسى ايدوس ۇكىبايەۆ Twitter - دەگى پاراقشاسىندا.
ەسكە سالا كەتسەك، كەشە ەلباسى وزبەكستان استاناسى تاشكەنت قالاسىنا ساپارمەن بارعان بولاتىن.
بۇگىن نۇرسۇلتان نازاربايەۆ ورتالىق ازيا مەملەكەت باسشىلارى ەكىنشى كونسۋلتاتيۆتىك كەزدەسۋ الاڭىندا وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆپەن كەزدەستى.
