تاشكەنتتە نۇرسۇلتان نازاربايەۆ پەن شاۆكات ميرزيەيەۆ كەزدەستى
تاشكەنت. قازاقپارات - 29 -قاراشا كۇنى تاشكەنتتە ورتالىق ازيا مەملەكەت باسشىلارى ەكىنشى كونسۋلتاتيۆتىك كەزدەسۋ الاڭىندا وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆ قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆپەن كەزدەستى، دەپ حابارلايدى قازاقپاراتتىڭ مەنشىكتى ءتىلشىسى وزبەكستان پرەزيدەنتىنىڭ باسپا ءسوز قىزمەتىنە سىلتەمە جاساپ.
نازاربايەۆ پەن ميرزيەيەۆ و ا باسشىلارى ەكىنشى كونسۋلتاتيۆتىك كەزدەسۋى اياسىندا كەلىسسوز جۇرگىزدى.
وزبەكستان باسشىسى نۇرسۇلتان نازاربايەۆتى وزبەكستان رەسپۋبليكاسىنا كەلۋىمەن قۇتتىقتاپ، وزبەكستاننىڭ ايماق ەلدەرى كوشباسشىلارىنىڭ كەزدەسۋىن وتكىزۋ باستاماسىنا كورسەتكەن قولداۋى ءۇشىن ريزاشىلىعىن ءبىلدىردى.
سونىمەن قاتار، سوڭعى جىلدارى بىرلەسكەن كۇش-جىگەردىڭ ارقاسىندا وزبەكستان مەن قازاقستان اراسىنداعى ءداستۇرلى تىعىز قارىم- قاتىناستار ساپالى جاڭا دەڭگەيگە كوتەرىلىپ، ناقتى پراكتيكالىق مازمۇنعا تولى ەكەنىن اتاپ ءوتتى.
اۆتور: ميراس قۋاندىقوۆ
— inform.kz inform.kz
