قازاقپارات كۇنتىزبەسى. بۇگىن حالىقارالىق پالەستينا حالقىمەن ىنتىماق كۇنى
اتاۋلى كۇندەر
حالىقارالىق پالەستينا حالقىمەن ىنتىماق كۇنى
1947 -جىلى وسى كۇنى ب ۇ ۇ باس اسسامبلەياسى پالەستينانى ءبولۋ تۋرالى قارار قابىلدادى. 1977 -جىلى ب ۇ ۇ-نىڭ باس اسسامبلەياسى جىل سايىن 29 -قاراشانى «حالىقارالىق پالەستينا حالقىمەن ىنتىماق كۇنى» رەتىندە اتاپ وتۋگە قاۋلى قابىلدادى.
ەستە قالار وقيعالار
1985 -جىلى اقتوبە وبلىسىندا «الاقاي» قۋىرشاقتار تەاترى اشىلدى. ونداعى بارلىق قويىلىمدار ەكى تىلدە - قازاق جانە ورىس تىلدەرىندە قويىلادى. 2001 -جىلدان باستاپ «الاقاي» تەاترىنىڭ ۇجىمى كوپتەگەن حالىقارالىق فەستيۆالدەردىڭ ديپلومانتى جانە لاۋرەاتى.
2007 -جىلى مادريدتە ەۋروپاداعى قاۋىپسىزدىك جانە ىنتىماقتاستىق ۇيىمى سىرتقى ىستەر مينيسترلەرى كەڭەسىنىڭ وتىرىسىندا قازاقستاننىڭ 2010 -جىلى ە ق ى ۇ ءتوراعاسى بولاتىنى تۋرالى شەشىم قابىلداندى.
2010 -جىلى استانادا ە ق ى ۇ سامميتىنىڭ قارساڭىندا قازاقستاندىق اعىلشىن ءتىلدى «The Astana Times» گازەتى تانىستىرىلدى.
2010 -جىلى استانادا 2009 -جىلعى قازاقستانداعى حالىق ساناعىنىڭ تۇپكىلىكتى قورىتىندىسىنا ارنالعان جيناق تانىستىرىلدى.
2011 -جىلى تۇركيادا نەۆشەحير پروۆينسياسىنىڭ ءتورت تۋريستىك اۋدانىنىڭ قيىلىسىندا «قازاقستان» بۋلۆارى اشىلدى.
2013 -جىلى استانا قالالاردىڭ VI حالىقارالىق بايقاۋىندا «ت م د مەن ەۋرازەق ۇزدىك قالاسى» ديپلومىنىڭ يەگەرى اتاندى.
2013 -جىلى گونكونگتا پاۆلودارداعى №1-بالالار كوركەم مەكتەبىنىڭ وقۋشىسى ارينا كۋزنەتسوۆا «تۋعان ولكەنىڭ ءداستۇرى مەن اڭىزى» حالىقارالىق بايقاۋىندا جەڭىمپاز اتاندى.
2016 -جىلى ءۇندىستاننىڭ نيۋ-دەلي قالاسىندا روبوت تەحنيكاسى بويىنشا حالىقارالىق وليمپيادا (World Robot Olympiad - WRO-2016) ءوتتى. ونىڭ ناتيجەسى بويىنشا قازاقستان رەسپۋبليكاسىنىڭ ۇلتتىق قۇراماسى ەڭ كرەاتيۆتى جانە يننوۆاتسيالىق جوبا ءۇشىن LEGO Education Creativity Award سىيلىعىن يەلەندى.
2017 -جىلى پولشانىڭ رۋميا قالاسىندا مۇمكىندىگى شەكتەۋلى جاندار اراسىندا ارمرەستلينگتەن الەم كۋبوگى ءوتتى. وعان قازاقستاندىق زارينا پريماك قاتىسىپ، ءبىرىنشى ورىن الدى.
2018 -جىلى «زاماناۋي قازاق بەينەلەۋ ونەرىنىڭ قازاق، اعىلشىن جانە ورىس تىلدەرىندەگى انتولوگياسى» كورنەكى كاتالوگىنىڭ ەلەكتروندى نۇسقاسى جاسالدى.
بۇل جوبا - جوعارى كريتەريلەرگە سايكەس كەلەتىن قازاقستاندىق كوركەم ونەر قاۋىمداستىعىنىڭ ۇزدىك جەتىستىكتەرىن ناسيحاتتايتىن مەملەكەتتىك يميدج قۇرۋ قادامى.
