ەلوردا ىرگەسىنەن جەل ەلەكتر ستانسياسى سالىنىپ جاتىر
نىسان باس قالادان 40 شاقىرىم جەردەگى قوستومار اۋىلىنىڭ جانىندا ورنالاسقان. ازىرگە ونىڭ قۋاتى 50 مۆت (مەگاۆات). ەكىنشى كەزەڭىن ىسكە قوسقاندا، ونىڭ كولەمى 100 مۆت دەيىن ارتادى.
ستانسيانى سالۋ بارىسىندا سولتۇستىك ايماقتىڭ كليماتى ەسكەرىلىپ، ەلەكتر وندىرۋدە سوعان بەيىمدەلگەن يننوۆاتسيالىق تەحنولوگيالار قولدانىلدى. اتالعان جوبانى «بايتەرەك» حولدينگىنىڭ ەنشىلەس ۇيىمى - قازاقستاننىڭ دامۋ بانكى قارجىلاندىردى.
باس قالانىڭ ماڭىنداعى جەل ەلەكتر ستانسياسى قۋاتتىلىعى جاعىنان كوش باستاپ تۇر. ەلىمىزدە ازىرگە وعان تەڭ كەلەرى جوق. ەلەكتر ەنەرگياسىن 15 گەنەراتور وندىرەدى. ونىڭ مۇناراسىنىڭ بيىكتىگى - 84 مەتر، ال روتوردىڭ ديامەترى - 112 م. ستانسيانىڭ ەكىنشى كەزەڭى ىسكە قوسىلعاندا 30 گەنەراتور 100 مۆت ەلەكتر قۋاتىن وندىرەتىن بولادى. العاشقى كەزەڭدە ءبىز جىلىنا شامامەن 175 ميلليون كيلوۆاتت ساعات ەلەكتر ەنەرگياسىن وندىرگىمىز كەلەدى. سونىمەن قاتار ەكولوگيالىق تۇرعىدان تازا ەنەرگيانى ءوندىرۋ ارقىلى ءبىز پارنيكتىك گاز قالدىقتارىن ازايتۋدى كوزدەپ وتىرمىز. بۇل - جىلىنا 113 مىڭ اۆتوكولىكتەن شىعاتىن 230 توننا گاز.
جالپى جاڭارتىلاتىن ەنەرگيا كوزدەرىنىڭ ەسەبىنەن 10000 استام وتباسىن جارىقپەن قامتاماسىز ەتەمىز. العاشقى كەشەندى ىسكە قوسۋ بارىسىندا 45 ميلليارد تەڭگەگە جۋىق قارجى جۇمسالدى. ونىڭ 30,5 ميلليارد تەڭگەسىن نەسيە رەتىندە قازاقستاننىڭ دامۋ بانكى بەردى.
ايجان بيتەبايەۆا، «قازاقستاننىڭ دامۋ بانكى» ا ق اعا بانكيرى:
- بانك ەنەرگەتيكا سالاسىن ونىڭ ىشىندە جاڭارتىلعان ەنەرگيا كوزدەرىن قارجىلاندىرۋعا ءاردايىم باسىمدىق بەرىپ كەلەدى. اتالعان جوباعا قاراجات 10 جىل 5 اي مەرزىمگە بەرىلدى. سىياقى مولشەرلەمەسى- جىلىنا 12,58 پروتسەنت. ءبىز ءبىرىنشى كەزەڭدى قارجىلاندىردىق. جوبانىڭ ەكىنشى كەزەڭى دە ماقۇلداندى. جالپى قازاقستاننىڭ دامۋ بانكىنىڭ نەسيەلىك پورتفەلىندە 65 ميلليارد تەڭگەنى قۇرايتىن 4 جوبا بار. ولاردى دا ىسكە اسىرۋعا بارىنشا قولداۋ كورسەتىلەدى.
www.24.kz
