موڭعوليادا قازاق كينوسىنىڭ كۇندەرى ءوتىپ جاتىر

ۇلان-باتىر. قازاقپارات - بۇگىن، 28 -قاراشادا موڭعوليانىڭ ۇلان-باتىر قالاسىندا قازاق كينوسىنىڭ كۇندەرى وتەدى.

ەكى كۇن بويى قازاقستاندىق فيلمدەر كورسەتىلەتىن ءىس-شارا قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان جانە «رۋحاني جاڭعىرۋ» مەملەكەتتىك باعدارلاماسى اياسىندا ءوتىپ جاتىر.

كينوكورسەتىلىمدى قازاقستاننىڭ موڭعولياداعى ەلشىلىگى «شاكەن ايمانوۆ اتىنداعى «قازاق فيلم» اق بىرلەسىپ ۇيىمداستىرۋدا، دەپ حابارلايدى قازاقپارات.

قازاق كينوسىنىڭ كۇندەرى 28 -قاراشادا قازاقستاندىق رەجيسسەر رۇستەم ءابدىراشتىڭ تۇسىرگەن «بالالىق شاعىمنىڭ اسپانى» كوركەم فيلمىنىڭ كورسەتىلىمىمەن باستالدى. فيلمدە ۇلت كوشباسشىسى ن. نازاربايەۆتىڭ تۇلعاسى مەن مىنەزىنىڭ قالىپتاسۋى، ونىڭ العاشقى ساتسىزدىكتەرى مەن جەڭىستەرى، ورىندالعان ۇمىتتەرى مەن ارماندارى تۋرالى باياندالادى.

سونىمەن قاتار، ءىس-شارا اياسىندا موڭعوليا استاناسىنىڭ كورەرمەندەرى ەرمەك تۇرسىنوۆتىڭ «شىراقشى» جانە «شال»، رۇستەم ءابدىراشتىڭ «قازاق حاندىعى: التىن تاق» جانە اقان ساتايەۆتىڭ «اناعا اپارار جول» سياقتى كينوتۋىندىلارىن تاماشالايدى.

جوبانىڭ باستى ماقساتى قازاق حالقىنىڭ تاريحى مەن ءداستۇرىن تانىستىرۋ، مادەنيەت سالاسىنداعى ەكىجاقتى قاتىناستى نىعايتۋ، سونداي-اق موڭعول كورەرمەندەرىن قازاقستاننىڭ قازىرگى كينوماتوگرافياسىمەن تانىستىرۋ بولىپ تابىلادى.

اۆتور: قانات مامەتقازى ۇلى