17:01, 28 - قاراشا 2019 | GMT +5
نەمىس عالىمدارى كومىرقىشقىل گازىنان بەنزين وندىرە باستادى
نۇر-سۇلتان. قازاقپارات - كارلسرۋە تەحنولوگيا ينستيتۋتى سەرىكتەستەرى Climeworks, Ineratec جانە Sunfire فيرمالارىمەن بىرگە كومىرقىشقىل گازى مەن سۋدان ەكولوگيالىق وتىن وندىرەتىن ىقشام قۇرىلعىنى جاساپ شىعاردى.
بۇل تۋرالى baq.kz پورتالى thebabel.net اقپارات كوزىنە سىلتەمە جاساي وتىرىپحابارلادى.
قازىر ولاردىڭ ويلاپ تاپقان قوندىرعىلارى كۇنىنە 10 ليتر وتىن وندىرەدى.
كارلسرۋە الداعى ەكى-ءۇش جىلدا تاۋلىگىنە 200-300 ليتر بەنزين وندىرە الاتىن ۇلكەن قۇرىلعىنى جاساپ شىعارماق. ەگەر ول ءساتتى جۇمىس ىستەسە كۇنىنە 1500-2000 ليتر وتىن وندىرەتىن كۇشى بار موبيلدى قوندىرعىنى جاساپ شىعارۋدى جوسپارلاپ وتىر.
بولاشاقتا ءبىز ەلەكتر قۋاتىن جاڭارتىلعان كوزدەردەن وندىرەتىن بولامىز. ەڭ دۇرىسى، ونى سول جەردە ءوندىرىپ، پايدالاۋ، - دەيدى پروفەسسور رولاند ديتتمايەر.
