قىتايدا بالالاردىڭ بولاشاقتا قانداي ماماندىققا بەيىم ەكەنىن انىقتاۋ ءۇشىن دە د ن ك اناليزىن تاپسىرىپ جاتىر

نۇر-سۇلتان. قازاقپارات - قىتايداعى اتا-انالار جاپپاي بالالارىنىڭ دنك اناليزىن تاپسىرىپ جاتىر - بولاشاقتا بالانىڭ قانداي قابىلەتكە يە بولاتىنىن انىقتاۋ ءۇشىن.

بۇل جايىندا Bloomberg اقپارات كوزى حابار تاراتتى.

مىڭداعان قىتايلىق اتا-انالار بالالارىن ەسەيگەندە ماماندىق تاڭداۋدا جاڭىلىسىپ، جازا باسپاۋى ءۇشىن قالتاسىنان اقشا شىعارىپ، گەنەتيكالىق تەست تاپسىرىپ جاتقانى ايتىلعان. بالالارىن بەيىم سالاسىنا قاراي تاربيەلەپ، قابىلەتىن شىڭداي ءتۇسۋ ءۇشىن وسىنداي كۇماندى قادامعا بارۋدا.

ال ماماندار نە دەيدى؟ ولاردىڭ ايتۋىنشا، مۇنداي تەست تاپسىرۋ بالگەرگە بارعانمەن بىردەي ارەكەت. ساراپشىلاردىڭ سوزىنە قاراعاندا، ەشقانداي د ن ك اناليزى بالانىڭ بولاشاعىن ايقىنداپ بەرە المايدى.

ويتكەنى، د ن ك اناليزى ادامنىڭ مىنەز-قۇلقىمەن، كاسىبي ماشىعىمەن بايلانىستى پسيحيكالىق اسا كۇردەلى ماسەلەدە قاۋقارسىز. بۇدان بولەك، بۇل ماسەلەدە كەيىن بالاعا قورشاعان ورتا مەن تاربيەنىڭ تيگىزەر اسەر-ىقپالى سەكىلدى الەۋمەتتىك فاكتور ەسكەرىلمەگەن.

ايتا كەتۋ كەرەك، مۇنداي ءتۇبى شيكى تەست، ءتىپتى، ەۋروپا ەلدەرىندە دە تاپسىرىلىپ جاتىر. ماسەلەن، Genomic Prediction كومپانياسى جاساندى جولمەن بالا كوتەرگىسى كەلەتىن اتا- انالارعا بالانىڭ ينتەللەكتىلىك دەڭگەيىن، ياعني، زەيىنىن باعالاۋ قىزمەتىن ۇسىنادى.

islam.kz