ەڭبەك جانە حالىقتى الەۋمەتتىك قورعاۋ ءمينيسترى ازاماتتاردى جەكە قابىلدادى
قابىلداۋعا 8 ادام كەلدى، ونىڭ ىشىندە ەلوردا، كوكشەتاۋ، جەزقازعان جانە قوستاناي قالالارىنىڭ تۇرعىندارى بار.
ازاماتتار تاعايىندالعان زەينەتاقى مولشەرىن قايتا ەسەپتەۋ، كاسىپورىنداعى وندىرىستەگى جاراقاتتانۋ، جۇمىسقا ورنالاسۋ، اتاۋلى الەۋمەتتىك كومەك تاعايىنداۋ، ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسىنا قاتىسۋ ماسەلەلەرى بويىنشا سۇراقتار قويدى.
بارلىعىن قابىلداعان ءبىرجان نۇرىمبەتوۆ ازاماتتاردىڭ ۇسىنىستارىن مۇقيات تىڭداپ، بارلىق وتىنىشتەرگە تولىققاندى جاۋاپ بەردى.
مينيستر قاراۋعا قوسىمشا ۋاقىت تالاپ ەتەتىن ماسەلەلەردى جەكە باقىلاۋىنا الدى. سونداي-اق ءبىرجان نۇرىمبەتوۆ ەڭبەك، الەۋمەتتىك قورعاۋ جانە كوشى-قون كوميتەتى مەن دەپارتامەنتتەردىڭ باسشىلارىنا ازاماتتاردىڭ جۇگىنگەن ماسەلەلەرى بويىنشا قولدانىستاعى زاڭناما اياسىندا شەشۋگە كومەكتەسۋدى تاپسىردى.
