22:13, 27 - قاراشا 2019 | GMT +5
ەلباسى تۇڭعىش پرەزيدەنت كۇنىنە ارنالعان كونسەرتكە باردى
نۇر- سۇلتان. قازاقپارات - ەلباسى نۇرسۇلتان نازاربايەۆ تۇڭعىش پرەزيدەنت كۇنىنە ارنالعان كونسەرتكە باردى، دەپ حابارلايدى elbasy.kz.
كونسەرت الدىندا ەلباسى «تاريحي تاڭداۋ» كورمەسىن ارالاپ كوردى. ەكسپوزيتسيالار ەلباسى كىتاپحاناسىنىڭ مۋزەي كوللەكسياسىنداعى مۇراعاتتىق ماتەريالدار مەن بىرەگەي زاتتاردان قۇرالعان.
كورمەگە قازاقستاننىڭ تۇڭعىش پرەزيدەنتى - ەلباسىنىڭ جەكە كىتاپحاناسىنان 145 كىتاپ، سونداي- اق، 220 ەكسپونات قويىلدى.
كورمەدەن سوڭ ەلباسى مەملەكەتتىك كۇزەت قىزمەتى پرەزيدەنتتىك وركەسترى جانە وتاندىق ەكسترادا جۇلدىزدارى ونەر كورسەتكەن كونسەرتتى تاماشالادى.
