قازاقستان مەن قىرعىزستان ءوڭىرارالىق فورۋم وتكىزۋدى جوسپارلاپ وتىر

بىشكەك. قازاقپارات - بىشكەككە مەملەكەتتىك ساپارمەن كەلگەن ق ر پرەزيدەنتى قاسىم- جومارت توقايەۆ قازاقستان مەن قىرعىزستاننىڭ بيزنەسىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«ءبىز ساۋدا كەدەرگىلەرىن قىسقارتۋ بويىنشا شارالار قابىلداۋعا ۋاعدالاسىپ، بيزنەس- كووپەراتسيالاردى كەڭەيتۋ ماسەلەلەرىنە تىڭعىلىقتى توقتالدىق. بۇگىندە قازاقستاندا قىرعىز كاپيتالىنىڭ قاتىسۋىمەن 1,1 مىڭنان استام كاسىپورىن قىزمەت ەتۋدە ال قىرعىزستاندا جۇمىس ىستەپ جاتقان قازاقستاندىق كومپانيالاردىڭ سانى 2 مىڭعا جۋىق»، - دەدى مەملەەكت باسشىسى.

پرەزيدەنت بۇل كورسەتكىشتەر بۇگىندە ارتىپ كەلە جاتقانىن اتاپ ءوتتى.

«ەكى ەلدىڭ ىسكەرلىك بايلانىستارىن قولداۋ ءۇشىن كاسىپكەرلەر تۇراقتى نەگىزدە تىكەلەي بايلانىستاردى قۇرۋى تۇرعىسىندا بولەك الاڭدى قۇرۋ تۋرالى كەلىستىك. وسى ورايدا قازاقستان مەن قىرعىزستاننىڭ ءوڭىرارالىق فورۋمدارىن وتكىزۋ تاجىريبەسىن ەنگىزۋ قولايلى نۇسقالاردىڭ ءبىرى بولار ەدى. بۇگىنگى كەڭەس بارىسىندا وسىنداي ۇسىنىستى ورتاعا تاستادىم. ەكى ەل ۇكىمەتتەرىنە بۇل ۇسىنىستى پىسىقتاۋ بويىنشا تاپسىرما بەرىلدى. كۇن تارتىبىندە ينۆەستيتسيالىق ءوزارا ءىس- قيمىل ەرەكشە ورىندى الىپ وتىر. بۇگىندە قازاقستان قىرعىزستانداعى ەڭ ءىرى ينۆەستورلاردىڭ ءبىرى بولىپ وتىر. تاۋەلسىزدىك جىلدارىندا 1 ميلليارد دوللاردان استام ينۆەستيتسيا سالدى. قازاقستاندىق ينۆەستورلار كوپتەگەن ماڭىزدى سالالاردا قامتىلعانىن بايقادىق»، - دەدى ق. توقايەۆ.

اۆتور رۋسلان عابباسوۆ