ەلوردانىڭ باس سانيتارلىق دارىگەرى ءسادۋاقاس بايعابىلوۆ قىزمەتىنەن كەتتى
«ب ا ق-قا، اقپارات اگەنتتىكتەرىنە، جۋرناليستەرگە، تىلشىلەرگە، تەلەارنالارعا بىرلەسىپ بەلسەندى جۇمىس اتقارعانىمىز ءۇشىن العىس ايتامىن. Facebook الەۋمەتتىك جەلىسىندەگى «استانا، حوچۋ پوحۆاستات/پوجالوۆاتسيا» جانە «استانا - چتو؟ گدە؟ كوگدا؟» توپتارىنا، سونداي- اق ەلوردا تۇرعىندارىنا ساپانى باقىلاۋ جانە تاۋارلار مەن قىزمەتتەر قاۋىپسىزدىگى دەپارتامەنتىنىڭ اتىنا جازىلعان شاعىمدارى مەن ىستىق لەبىزدەرى ءۇشىن راقمەت ايتامىن»، - دەپ ءتۇسىندىردى ءسادۋاقاس بايعابىلوۆ وتستاۆكاسىن.
ونىڭ ايتۋىنشا، الەۋمەتتىك جەلىلەر قازاقستاندىقتاردىڭ قوعامدىق- ساياسي ومىرىنە بەرىك كىرىگىپ، كوپتەگەن ماسەلەلەردى شەشۋدە جانە ولاردى جەتكىزۋدە شىنايى قۇرال بولىپ وتىر.
«سوندىقتان، مەملەكەتتىك ورگان باسشىلارى ساپانى باقىلاۋ جانە تاۋارلار مەن قىزمەتتەر قاۋىپسىزدىگى دەپارتامەنتى سەكىلدى مەملەكەت باسشىسىنىڭ سىنىنا قالماي، اقپاراتتىق كەڭىستىكتى بەلسەندى قولدانا وتىرىپ، الەۋمەتتىك جەلىلەردەگى شاعىمدار مەن جازبالارعا شۇعىل نازار اۋدارى ءتيىس»، - دەپ اتاپ ءوتتى ەلوردانىڭ بۇرىنعى باس سانيتارلىق دارىگەرى.
«ءاربىر مەملەكەتتىك قىزمەتشى قانداي لاۋازىمدا وتىرعانىنا قاراماستان، مەملەكەتتىك باسشىسىنىڭ سىنىنا ۇشىراسا، وتستاۆكاعا كەتۋى قاجەت»، - دەپ تۇيىندەدى ول.
اۆتور: ازامات سىزدىقبايەۆ
