قازاقستاننىڭ ەڭ تازا وزەندەرى اتالدى

نۇر-سۇلتان. قازاقپارات - سەناتور قايرات قوجامجاروۆ ەلىمىزدەگى ەڭ تازا وزەندەردى اتادى، دەپ حابارلايدى قازاقپارات ءتىلشىسى.

«زەرتتەۋ جۇمىستارى كورسەتكەندەي، 139 سۋ نىسانىنىڭ ىشىنەن «نورماتيۆتى تۇرعىدا تازا» ساناتقا 3 وزەنگە - اتىراۋ وبلىسىنداعى جايىق، قيعاش، تۇركىستان وبلىسىنداعى بوگەن وزەنى جانە كاسپيي تەڭىزى ەنگىزىلدى»، - دەدى سەناتور سۋ قاۋىپسىزدىگى ماسەلەسى تالقىلانعان پارلامەنت سەناتىنىڭ وتىرىسىندا.

ونىڭ ايتۋىنشا، 102 سۋ نىسانى (68 وزەن، 17 كول، 14 سۋ قويماسى مەن 3 ارىق) «ءبىرقالىپتى دەڭگەيدە لاستانعان» ساناتقا كىرگىزىلگەن. «جوعارى دەڭگەيدە لاستانعان» ساناتتا 16 وزەن مەن 14 كول بار. «اسا لاستانعان» ساناتتاعى 3 وزەن رەتىندە س ق و-داعى كراسنوياركا وزەنى مەن اقمولا وبلىسىنداعى قىلشىقتى، شاعالالى وزەندەرى مەن مايبالىق كولى اتالىپ وتىر.

«سۋدىڭ لاستانۋىنا بارلىق جاعدايدا ونەركاسىپتىك كاسىپورىنداردىڭ قالدىقتارى، قالدىققويمالاردىڭ كومپونەنتتەرى، شاحتا مەن كەن ورىندارىنان شىعارىلعان قالدىقتار سەبەپ بولىپ وتىر»، - دەدى ول.

اۆتور: ايان بەكەن ۇلى