ءبىر توپ قۇستىڭ كەسىرىنەن ا ق ش كونگرەسى ەۆاكۋاتسيالاندى

نۇر-سۇلتان. قازاقپارات - ءبىر توپ قۇس ا ق ش استاناسىنىڭ ۇشۋعا تىيىم سالىنعان كەڭىستىگىنە ءوتىپ كەتە جازدادى، سالدارىنان كونگرەستى ەۆاكۋاتسيالاۋعا تۋرا كەلدى، دەپ حابارلايدى «قازاقپارات» ح ا ا CNN تەلەارناسىنا سىلتەمە جاساپ.

قورعانىس مەكەمەسىندەگى دەرەككوزدەر قازىرگى ۋاقىتتا وقيعانىڭ ءۇش نۇسقاسىن قاراستىرىپ جاتقانىن ايتتى: ءبىر توپ قۇس، اتموسفەرالىق انوماليا نەمەسە ۇشقىشسىز ۇشاتىن اپپارات. پوليتسيا مالىمەتى بويىنشا، اسپان كەڭىستىگىندە بايقالعان وبەكت باياۋ قوزعالعان. پەنتاگونداعىلار ونى قاناتتى قۇستار دەپ ەسەپتەيدى، ويتكەنى بەينە اۋەلى راداردا پايدا بولىپ كەيىننەن تاراپ كەتكەن. اسكەري ۇشاق پەن تىكۇشاقتار ەشتەڭەنى انىقتاي المادى.

ەستەرىڭىزگە سالا كەتەيىك، سەيسەنبى كۇنى تاڭعى 8:30 دا ۆاشينگتوندا توتەنشە جاعداي جاريالاندى. كاپيتولي توبەسىنەن بارلىق كونگرەسس مۇشەلەرى مەن قىزمەتكەرلەردى ەۆاكۋاتسيالادى، ال اق ءۇي قىزمەتكەرلەرىنە ءوز ورىندارىندا قالىپ، ەشقايدا شىقپاۋعا نۇسقاۋ بەرىلدى.