فۋتبول: قازاقستان قۇراماسى وزبەكستان كومانداسىمەن قاشان كەزدەسەدى

نۇر- سۇلتان. قازاقپارات - فۋتبولدان قازاقستان قۇراماسى وزبەكستان وكىلدەرىمەن جولداستىق كەزدەسۋ وتكىزۋدى جوسپارلاپ وتىر. جولداستىق كەزدەسۋ الداعى جىلدىڭ ناۋرىز ايىندا ءوتۋى مۇمكىن، دەپ حابارلايدى قازاقپارات ءتىلشىسى.

بۇگىنگى تاڭدا ەكى ەلدى فۋتبول باسشىلىعى اراسىندا ءتيىستى كەلىسسوز جۇرگىزىلۋدە. الدىن الا كەلىسىم بويىنشا كەزدەسۋ 2020 -جىلدىڭ 26 - ناۋرىزىندا ءوتۋى ءتيىس.

ەكى قۇراما بۇگىنگى كۇنگە دەيىن 6 مارتە كەزدەسكەن. قوس قۇراما سوڭعى رەت 13 جىل بۇرىن ءبىر- بىرىمەن شەبەرلىك بايقاسقان. ونىڭ ىشىندە 2 ويىندا وزبەكستاندىق قۇراما جەڭىسكە جەتسە، بىرەۋىندە قازاقستاندىق فۋتبولشىلار باسىم ءتۇستى. ءۇش ويىندا ەكى قۇراما تەڭ ناتيجەگە قاناعات ءبىلدىردى.

1992 -جىلدىڭ 16 -  شىلدەسىندە وتكەن العاشقى كەزدەسۋدە قازاق فۋتبولشىلارى جەڭىسكە جەتسە، سول جىلدىڭ 14 - قازانىندا ەكەۋى 1:1 ەسەبىمەن تەڭ تارقاستى. ال 1994 -جىلدىڭ 13 - ساۋىرىندە وزبەكستان قۇراماسى 1:0 ەسەبىمەن باسىم تۇسسە، 1997 -جىلدىڭ 20 - قازانىندا تاعى دا 1:1 ەسەبىنە قاناعات ءبىلدىردى. سونداي- اق، 1997 -جىلدىڭ 25 - قازانىندا وزبەكستان قازاقستاندىق قۇرامانى 4:0 ەسەبىمەن تىزە بۇكتىرسە، 2007 -جىلدىڭ 11 - ناۋرىزىندا قوس قۇراما تاعى دا 1:1 ەسەبىمەن تەڭ ءتۇستى.

FIFA- نىڭ سوڭعى رەيتينگى بويىنشا وزبەكستان 85، قازاقستان 121- ورىندا تۇر.

اۆتور: ءادىلجان ۇمبەت