حالىق پەن كولىك ەڭ كوپ وتەتىن «قورداي» بەكەتى كۇردەلى جوندەۋدەن وتپەك

تاراز. قازاقپارات - قازاقستان مەن قىرعىز رەسپۋبليكاسى اراسىنداعى حالىق پەن كولىك ەڭ كوپ وتەتىن «قورداي» بەكەتى اعىمداعى جىلدىڭ جەلتوقسان ايىنان باستاپ كۇردەلى قايتا جوندەۋدەن وتەتىن بولادى.

بۇل تۋرالى قورداي اۋدانىندا ەكى ەلدىڭ مينيسترلەرى باسقوسقان كەزدەسۋىندە ايتىلدى، دەپ حابارلايدى قازاقپارات ءتىلشىسى.

اتالعان كەزدەسۋگە ق ر يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ، ق ر ۇ ق ك ءتوراعاسىنىڭ ءبىرىنشى ورىنباسارى، شەكارا قىزمەتىنىڭ ديرەكتورى د. ديلمانوۆ، ق ر ي ي د م اۆتوموبيل جولدارى كوميتەتىنىڭ ءتوراعاسى س. بارماقوۆ، جامبىل وبلىسى اكىمىنىڭ ورىنباسارى ە. داۋىلبايەۆ، سونداي- اق قىرعىز رەسپۋبليكاسىنىڭ كولىك جانە جول ءمينيسترى ج. بەيشەنوۆ، قىرعىز رەسپۋبليكاسى كولىك جانە جولدار مينيسترلىگى جانىنداعى اۆتوموبيل، سۋ كولىگى باقىلاۋ اگەنتتىگىنىڭ ديرەكتورى جانە شەكارا قىزمەتىنىڭ باسشىلارى قاتىستى.

جيىن بارىسىندا قورداي وتكىزۋ پۋنكتى جوندەۋ جۇمىسىنا جابىلعانعا دەيىن قىرعىزستان مەن اراداعى نەگىزگى شەكارالىق باقىلاۋ- وتكىزۋ بەكەتتەرىن جاڭارتۋ تۋرالى اڭگىمە قوزعالدى.

سونداي- اق، «سورتوبە» جانە «اۋقاتتى» اۆتوموبيل وتكىزۋ پۋنكتەرىنىڭ مارتەبەسىن ەكىجاقتى وتكىزۋ پۋنكتەرىنەن «كوپجاقتى حالىقارالىق» وتكىزۋ پۋنكتەرىنە اۋىستىرۋ كوزدەلىپ وتىرعاندىعى ايتىلدى. ياعني الداعى ۋاقىتتا بارلىق ترانزيتتىك جول كولىكتەرى وسى ەكى بەكەت ارقىلى ءوتۋى مۇمكىن. «قاراسۋ» ، «سورتوبە» ، «اۋقاتتى» باقىلاۋ بەكەتتەرىندەگى شەكارا ارقىلى وتۋشىلەرگە ارنالعان باقىلاۋ كابينالارىنىڭ قاتارىن كوبەيتۋ، ەكى ەل اراسىنداعى شەكارا سىزىعىندا ورنالاسقان كوپىردى رەكونسترۋكتسيالاپ، كەڭەيتۋ سىندى وزەكتى ماسەلەلەر دە قوزعالدى.

جوندەۋ جۇمىستارى جۇرگىزىلەتىن كەزەڭدە قورداي اۋدانى اكىمدىگى تاراپىنان «قورداي» باقىلاۋ بەكەتىنەن كۇندەلىكتى وتەتىن ازاماتتار ءۇشىن «قورداي- قاراسۋ» باعىتىندا ارنايى قوعامدىق كولىكتەر ۇيىمداستىرالاتىن بولادى. كوتەرىلگەن ماسەلەلەر ترانسپورتتىق ءدالىزدىڭ جۇمىسىن كەڭەيتىپ، شەكاراداعى كەدەرگىلەردى ازايتۋعا سەپتىگىن تيگىزبەك.

وسى تۇستا ەكى بىردەي باقىلاۋ بەكەتتەرىندە حالىقارالىق مارتەبە بەرىلگەندىكتەن اۋداننىڭ اۆتوجولدارى رەسپۋبليكالىق ماندەگى اۆتوجول بولۋى ابدەن مۇمكىن.

ايتا كەتەيىك، قازىرگى تاڭدا ەكى ەل اراسىندا 11 اۆتوكولىك وتكىزۋ پۋنكتى بار. ولاردىڭ بەسەۋى - كوپجاقتى حالىقارالىق، ال التاۋى - ەكىجاقتى. ەكىجاقتى وتكىزۋ پۋنكتەرىنىڭ تورتەۋىنەن وتەتىن ادامدار مەن كولىكتەردىڭ قارقىنى تومەن بولعاندىقتان، ولار 2010 -جىلى جابىلعان. ال، قازىر جۇمىس ىستەپ تۇرعان جەتى وتكىزۋ بەكەتىنەن جىلىنا 11 ميلليونداي ادام، 1 ميلليون 300 مىڭداي جەڭىل كولىك جانە 400 مىڭنان استام جۇك كولىگى وتەدى ەكەن. ال، ەكى ەل اراسىنداعى حالىق پەن كولىك ەڭ كوپ وتەتىن پۋنكت - قورداي بەكەتى.