قازاقستان شەتەلدەگى ازاماتتار مەن ۇلتتىق بيزنەس مۇددەسىن ءاردايىم قورعايدى - پرەزيدەنت
«ءبىزدىڭ سىرتى ساياساتىمىز بارىنشا پراگماتيكالىق. قازاقستان شەتەلدەگى ازاماتتارىمىزدىڭ جانە ۇلتتىق بيزنەستىڭ مۇددەلەرىن ءار ۋاقىتتا قورعايدى. بيىل ءبىز بولگاريا، لاتۆيا، ەستونيا، سەربيا، سلوۆاكيا، پورتۋگاليا جانە شۆەيتساريا استانالارىندا تۇراقتى تۇراتىن ەلشىلەردى جىبەرۋ ارقىلى شەتەلدەگى ديپلوماتيالىق ينفراقۇرىلىمىمىزدى ەداۋىر كەڭەيتتىك. بۇل پروتسەسس ءوزارا تۇسىنىستىك ۇستانىمىمەن جالعاساتىن بولادى» ، - دەدى مەملەكەت باسشىسى قازاقستاندا اككرەديتتەلگەن شەت ەلدەردىڭ ديپلوماتيالىق ميسسيالارىنىڭ باسشىلارىمەن كەزدەسۋدە.
سونىمەن بىرگە، پرەزيدەنت ديپلوماتتارعا ساپالى ينۆەستيتسيالار تارتۋ مىندەتى جۇكتەلگەنىن ەسكە سالدى.
«ەڭ ماڭىزدى باسىمدىق - سىرتقى ساياساتتى «ەكونوميكالاندىرۋدىڭ» جاڭا دەڭگەيىن قامتاماسىز ەتۋ. ديپلوماتتارعا ەل ەكونوميكاسىنا ساپالى ينۆەستيتسيالار تارتۋ مىندەتى جۇكتەلدى. ءبىز وڭىرلىك جانە جاھاندىق تۇراقتىلىقتى قامتاماسىز ەتۋگە باعىتتالعان سىندارلى باستامالاردى قولدايمىز جانە ناسيحاتتايمىز. بۇل، ەڭ الدىمەن، ازيالىق جانە ەۋرو- ازيالىق قاۋىپسىزدىكتى نىعايتۋ، يادرولىق جانە تەرروريستىك قاۋىپ- قاتەردىڭ الدىن الۋ» ، - قاسىم- جومارت توقايەۆ.
