قاسىم- جومارت توقايەۆ قازاقستاندا ب ۇ ۇ ورنىقتى دامۋ ورتالىعىن قۇرۋدى ۇسىندى
«قازاقستاننىڭ كوپجاقتى قۇرىلىمدارعا مۇشە بولۋىن قاۋىپسىزدىك پەن ءوسىپ- وركەندەۋدىڭ ءتيىمدى تەتىگى رەتىندە قاراستىرامىز. بيىل مەن بىرىككەن ۇلتتار ۇيىمى مىنبەرىنەن قازاقستان پرەزيدەنتى رەتىندە العاش رەت ءسوز سويلەدىم. باس حاتشىمەن جۇزدەسىپ، قازاقستان مەن ۇلتتار ۇيىمى سەنىمدى سەرىكتەس ەكەنىن راستادىق» ، - دەپ اتاپ ءوتتى پرەزيدەنت قازاقستاندا اككرەديتتەلگەن شەت ەلدەردىڭ ديپلوماتيالىق ميسسيالارىنىڭ باسشىلارىمەن كەزدەسۋدە.
سونىمەن بىرگە، مەملەكەت باسشىسى مامىر ايىندا قازاقستاندا حالىقارالىق ۇيىمداردىڭ جاڭا عيماراتى اشىلعانىن ەسكە سالدى. مۇندا عالامدىق ۇيىمنىڭ 16 اگەنتتىگى جۇمىس ىستەيدى.
«ەندى، وسى عيماراتتا بىرىككەن ۇلتتار ۇيىمىنىڭ ورنىقتى دامۋ ماقساتتارى جونىندەگى ورتالىعىن اشۋدى ۇسىنامىز. وعان ورتالىق ازيا ەلدەرىنە جانە اۋعانستانعا قولداۋ كورسەتۋ مانداتىن بەرۋگە شاقىرامىز. يادرولىق قارۋسىز الەمگە قول جەتكىزۋ قازاقستاننىڭ نەگىزگى باسىمدىعى رەتىندە ساقتالادى. وسى رەتتە، دۇنيەجۇزىلىك قاۋىمداستىق مۇشەلەرىن يادرولىق قارۋدان ازات الەم قۇرۋ تۋرالى جالپىعا ورتاق دەكلاراتسيانى قولداۋعا ۇندەيمىز» ، - دەدى قاسىم- جومارت توقايەۆ.
