ترامپتىڭ ۇيىنە كىرگەن قىتايلىق قىز سوتتالدى
فلوريدا شتاتىنىڭ سوتى ا ق ش پرەزيدەنتى دونالد ترامپتىڭ ۇيىنە زاڭسىز كىرگەن قىتاي ازاماتى جاڭ يۋجيندى سەگىز ايعا قاماۋ تۋرالى ۇكىم شىعاردى. بۇل تۋرالى CNN حابارلادى.
جاش يۋجين ا ق ش قۇپيا قىزمەتىنىڭ قىزمەتكەرىمىن دەپ جالعان مالىمەت بەرگەنى جانە كىرۋگە رۇقسات ەتىلمەگەن تەرريتورياعا زاڭسىز ەنگەنى ءۇشىن كىنالى دەپ تانىلدى.
ول پرەزيدەنتتىڭ فلوريدا شتاتىنىڭ وڭتۇستىگىندە ورنالاسقان مار- ا- لاگو رەزيدەنتسياسىنا كەلگەن قوناقتىڭ تۋىسىمىن دەپ سەندىرگەن.
ايەل سەگىز ايعا باس بوستاندىعىنان ايرىلدى جانە قاماۋدان شىققان سوڭ ەكى جىل قاداعالاۋ قىزمەتكەرلەرىنىڭ نازارىندا بولادى.
جاڭ يۋجين وسى جىلدىڭ 30 - ناۋرىزىندا كۇزەتشىلەردى الداپ، پرەزيدەنتتىڭ فلوريدا شتاتىندا ورنالاسقان رەزيدەنسياسىنا كىرگەن. ا ق ش ارنايى قىزمەتى ۇستاعان كەزدە ونىڭ جانىنان ءتورت تەلەفون، نوۋتبۋك، قاتقىل ديسك، فلەش كارتا جانە ق ح ر ازاماتىنىڭ ەكى ءتولقۇجاتى تابىلعان.
