فۋتبولشى قارسىلاسىنىڭ باسىن تىستەپ الدى

نۇر-سۇلتان. قازاقپارات - پاراگۆايلىق «سەررو پورتەنو» توبىنىڭ قورعاۋشىسى فەرناندو امورەبەتا «وليمپيا» شابۋىلشىسى نەستورا كاماچونىڭ باسىنان تىستەپ الدى.

 بۇل جاعداي ءتۇسىپ قالعان ۆيدەو الەۋمەتتىك جەلىلەردە جىلدام تاراپ كەتتى. وقىس وقيعا پاراگۆاي فۋتبول جارىسىنىڭ 87 مينۋتىندا ورىن العان. امورەبەتا ەسىمدى فۋتبولشى الدىنا شىققان قارسىلاسىنىڭ باسىنان تىستەپ الادى. ول بۇل قىلىعىنا بايلانىستى ويىننان شەتتەلدى.

ەكى توپ اراسىنداعى سايىس 2:4 ەسەبىمەن «وليمپيا» فۋتبولشىلارىنىڭ جەڭىسىمەن اياقتالدى.

— inform.kz inform.kz