ءۇش مينيسترلىكتە «سيفرلىق ورىنباسار» تاعايىندالادى
«زامانعا ساي تەحنولوگيالاردى ءتيىمدى تۇردە ەنگىزۋ ماقساتىندا 2018 -جىلى ەلباسىنىڭ كەلىسىمىمەن 5 مينيسترلىكتە سيفرلىق ۆيتسە- مينيسترلەر تاعايىندالعان ەدى. ولار: دەنساۋلىق ساقتاۋ، ءبىلىم جانە عىلىم، ەڭبەك جانە حالىقتى الەۋمەتتىك قورعاۋ، سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىكتەرى مەن سالىق-كەدەندىك قىزمەت ورگانى. سونداي- اق ورتالىق جانە جەرگىلىكتى مەملەكەتتىك ورگانداردا سيفرلاندىرۋ كەڭسەلەرى قۇرىلدى»، - دەدى ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ ۇكىمەت وتىرىسىندا.
ءمينيستردىڭ ايتۋىنشا، اتالعان شارالار بيۋدجەت ءتۇسىمىن ارتتىرىپ، شىعىستاردى قىسقارتۋ تۇرعىسىندا 2018 -جىلى 218 ميلليارد تەڭگە، 2019 -جىلعى 9 اي ىشىندە 305 ميلليارد تەڭگە قوسىمشا تابىس اكەلگەن.
«پرەزيدەنتتىڭ تاپسىرماسىنا سايكەس قوسىمشا يندۋستريا جانە ينفراقۇرىلىمدىق دامۋ، ەنەرگەتيكا جانە ىشكى ىستەر مينيسترلىكتەرىنە 3 «سيفرلىق» ۆيتسە-ءمينيستردى تاعايىنداۋ جوسپارلانۋدا»، - دەدى ول.
ەسكە سالا كەتسەك، بۇگىنگى ۇكىمەت وتىرىسىندا اسقار مامين موبيلدىك قۇرىلعى ارقىلى قولجەتىمدى مەمقىزمەتتەر تىزبەسىن كەڭەيتۋدى تاپسىرعان بولاتىن.
