پەتروپاۆلدا ەكى ستۋدەنت قىزدى كولىك قاعىپ كەتتى

پەتروپاۆل. قازاقپارات - پەتروپاۆلدا وتكەن دەمالىس كۇندەرى ەكى ستۋدەنت قىزدى كولىك قاعىپ، سونىڭ سالدارىنان ەكەۋى دە دەنە جاراقاتىن الدى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسىنىڭ پوليتسەيلەرى كولىك جۇرگىزۋشىلەردى دە، جاياۋ جۇرگىنشىلەردى دە جولدا اباي بولۋعا شاقىرادى. قىس مەزگىلىنىڭ كەلۋىنە بايلانىستى جول جاعدايى ناشارلاپ، كوكتايعاق سالدارى جول-كولىك اپاتىنا اكەلۋى مۇمكىن.

س ق و پوليتسيا دەپارتامەنتى باسپا ءسوز قىزمەتىنەن ءمالىم ەتكەندەي، وسىنداي وقيعالاردىڭ ءبىرى 23 -قاراشا كۇنى پەتروپاۆل قالاسىندا بولدى. كەشكى ساعات 19.00-دار شاماسىندا ن. نازاربايەۆ- جۋكوۆ كوشەلەرىنىڭ قيىلىسىندا جولدان ءوتىپ بارا جاتقان وبلىس ورتالىعىنىڭ 16 جاستاعى تۇرعىنىن «ۆاز» كولىگى سوعىپ كەتتى. زارداپ شەككەن ستۋدەنت قىز دەنە جاراقاتىمەن اۋرۋحاناعا جەتكىزىلدى. جول وقيعاسىنا قاتىستى سوتقا دەيىنگى تەرگەۋ باستالدى.

ەندى ءبىر جول اپاتى 24 -قاراشا كۇنى بولعان. پوتانين كوشەسىنەن ءوتىپ بارا جاتقان 17 جاستاعى قىزدى كولىك سوعىپ، دەنە جاراقاتىن الدى.

«اۋا-رايىنا بايلانىستى قىراعىلىقتى ەكى ەسە ارتتىرۋ كەرەك. جولدان تەك ارنايى جاياۋ جۇرگىنشى جولىمەن ءوتۋ قاجەت. وندا دا كەلە جاتقان اۆتوكولىك توقتاپ جول بەرگەن جاعدايدا جانە قاۋىپسىز ەكەندىگىنە كوز جەتكىزگەندە عانا وتۋگە بولادى»، - دەيدى س ق و پ د جەرگىلىكتى پوليتسيا قىزمەتى باسقارماسىنىڭ باسشىسى ايدىن بايماتوۆ.

س ق و- دا جولداعى ورەسكەل ەرەجە بۇزۋشىلىقتى انىقتاۋ ماقساتىندا ۇيىمداستىرىلعان «قاۋىپسىز جول» جەدەل- پروفيلاكتيكالىق ءىس-شاراسى اياقتالدى. ءتارتىپ ساقشىلارىنىڭ سوزىنە قاراعاندا، جول-كولىك وقيعالارىنىڭ تۋىنداۋىنا كوپ جاعدايدا قولايسىز اۋا-رايى سەبەپ بولادى ەكەن.

اۆتور: اقەركە داۋرەنبەك قىزى