«قازاق راديولارى» ج ش س جاڭا ديرەكتورى تاعايىندالدى

نۇر- سۇلتان. قازاقپارات - «قازاق راديولارى» ج ش س ديرەكتورى قىزمەتىنە ەرنۇر بۋراحان تاعايىندالدى، دەپ حابارلايدى قازاقپارات «قازاقستان» ر ت ر ك» ا ق باسپا ءسوز قىزمەتىنە سىلتەمە جاساپ.

جاڭا باسشىنى راديو ۇجىمىنا كورپوراتسيا ءتورايىمى ءلاززات تانىسباي تانىستىردى.

ەرنۇر كوشەرحان ۇلى بۋراحان 1981 -جىلى 16 - ماۋسىمدا دۇنيەگە كەلگەن. جۋرناليستيكا سالاسىندا 20  جىلعا جۋىق تاجىريبەسى بار. 2007-2011 -جىلدار ارالىعىندا «Qazaqstan» ۇلتتىق تەلەارناسىندا ءتىلشى، رەداكتور، رەداكتور- جۇرگىزۋشى، شەف- رەداكتور قىزمەتتەرىن اتقارعان.

2011 -جىلدان باستاپ، ءار جىلدارى ءبىرقاتار مەملەكەتتىك مەكەمەلەردە باسپا ءسوز حاتشىسى، 2013-2015 -جىلدارى شىعىس قازاقستان وبلىسى ىشكى ساياسات باسقارماسى باسشىسىنىڭ ورىنباسارى، 2015-2017 -جىلدارى اقتوبە وبلىسى اكىمدىگى اپپارات باسشىسىنىڭ ورىنباسارى لاۋازىمدارىن اتقارعان.

2017 -جىلدان بۇگىنگە دەيىن «قازاقستان» ر ت ر ك» ا ق اقتوبە وبلىستىق فيليالى «اقتوبە » تەلەارناسىنىڭ ديرەكتورى بولعان.

«قازاقستان» تەلەراديوكورپوراتسياسىنا قاراستى «قازاق راديولارى» ج ش س قۇرامىندا «Qazaq radiosy» ، «Shalqar» راديوسى، «استانا» جانە «Classic» راديولارى بار.