اۆستريادا قيىندىققا تاپ بولعان قازاقستاندىق وتباسى قازاقستانعا قايتارىلادى
ەسكە سالا كەتسەك، وسى جىلدىڭ قىركۇيەگىندە ق ر س ءى م رەسمي وكىلى ايبەك سمادياروۆ اۆستريادا قيىندىققا تاپ بولعان قازاقستاندىق وتباسىعا قاتىستى پىكىر بىلدىرگەن بولاتىن.
«اتالعان اقپارات جەرگىلىكتى ب ا ق- تا جاريالاندى. ءبىزدىڭ قولىمىزداعى مالىمەت بويىنشا بايدەلدەر وتباسى اۆستريانىڭ نيدەلرۆالدكيرحەن قالاسىندا شىركەۋدىڭ جانىندا 2013 -جىلدان بەرى تۇرىپ جاتىر. ولار باسپانا سۇراۋشى مارتەبەسىندەگى وتباسى. تۇراقتى جۇمىس ورىندارى جوق. جەرگىلىكتى الەۋمەتتىك كومەكتى الىپ وتىر. اۆسترياداعى جەرگىلىكتى بيلىك ولاردى ەلدە قالدىرۋدان، باسپانا بەرۋدەن باس تارتتى. وسى وقيعادان كەيىن وتباسىنىڭ مۇشەلەرى مەن كورشىلەرى، باسپانا بەرىپ، ەلدە قالدىرۋدى تالاپ ەتىپ، كوشەگە شىققان. الايدا سول ەلدىڭ زاڭى بويىنشا ول وتباسىن ەلدە قالدىرۋعا ەشقانداي نەگىز جوق» ، - دەدى ول.
ارادا ەكى اي وتكەننەن كەيىن ايبەك سمادياروۆتان تىلشىلەر اۆترياداعى سول وتباسىنىڭ تاعدىرى نە بولىپ جاتقانىن سۇراپ كوردى.
«ازىرگە كونسۋل ولارمەن بايلانىس ۇستاپ وتىر. ولار ءالى سول اۆستريادا. بىلۋىمىزشە، اۆستريالىق بيلىك ولاردى كەرى دەپورتاتسيالاۋدى كوزدەپ وتىر. سەبەبى، ولار سول جاقتا جۇمىس ىستەمەي ەشقانداي قۇجاتسىز بىرنەشە جىل بويى تۇرىپ جاتىر. ءسوزسىز، ءبىزدىڭ كونسۋل قاجەتتى بارلىق كومەكتى كورسەتەدى» ، - دەدى ول.
