قازاقستاندا تۇركى جازبا ءتىلىن جاڭعىرتۋ كۇنى تويلاندى

نۇر- سۇلتان. قازاقپارات - قازاقستاننىڭ بىرنەشە قالاسىندا تۇركى جازبا ءتىلىن جاڭعىرتۋ كۇنى تويلاندى، دەپ حابارلايدى قازاقپارات ءتىلشىسى.

«قازاقستان تۇركى الەمىنىڭ ورتالىعى بولىپ سانالادى جانە العاشقى جالپى تۇرىكتىك مەرەكە مەن تۇركى جازۋى فلەشموبىنىڭ قر ۇلتتىق مۋزەيىندە ءوتۋى دە زاڭدى. 1893 -جىلى ۆيلگەلم تومسەن العاش رەت ورحون بويىنان تابىلعان رۋنيكالىق جازبانىڭ سىرىن اشىپ، «تۇركى» جانە «ءتاڭىرى» سوزدەرىن وقىعان بولاتىن. سول جىلى 25 - قاراشادا دانيا كورولدىك عىلىم اكادەمياسىنىڭ وتىرىسىندا مالىمدەمە جاسادى. بۇل الەمدىك لينگۆيستيكاداعى تاريحي وقيعا بولدى» ، - دەدى «ۇلى بۇدۇن» قوعامدىق بىرلەستىگىنىڭ ءتورايىمى، ونەرتانۋ عىلىمدارىنىڭ كانديداتى مەرۋەرت قۇرمانعاليەۆا ق ر ۇلتتىق مۋزەيىندە وتكەن دوڭگەلەك ۇستەلدە.

ۇيىم باسشىسى تۇركى حالىقتارىن بىرىكتىرۋدى ماقسات ەتكەندەرىن ايتتى.

«ۇزاق جىلدار بويى كوپتەگەن تۇركى ەلدەرىنىڭ شىعارماشىلىق ادامدارىمەن بايلانىستا بولدىق. 2017 -جىلى ەلوردادا كونفەرەنسيا وتكىزدىك. سوندا وزدەرى قىزىعۋشىلىق تانىتقان ءبىرقاتار تۇركولوگ- عالىمدارمەن تانىستىق. تۇركى الەمىن بىرىكتىرەتىن كۇنتىزبەلىك مەرەكەمىز بار، ول - ناۋرىز. ال مەملەكەتتىلىكتىڭ نەگىزى - جازۋ. بىزدە مۇنداي ءبىرىڭعاي مەرەكە جوق. رۋنا جازۋى كۇنى بار» ، - دەپ اتاپ ءوتتى م. قۇرمانعاليەۆ.

ونىڭ ايتۋىنشا، بيىل تۇركى جازۋى كۇنى ازەربايجاندا، تۇركيادا جانە قازاقستاننىڭ بىرنەشە قالاسىندا تويلاندى.

«قازاقستان بويىنشا ورال، الماتى، اتىراۋ قالالارىندا وسىنداي شارا وتكىزگىمىز كەلەدى، اتىراۋ، نۇر- سۇلتان قالالارىندا جاساپ ۇلگەردىك. قازاقستان ارقىلى بارلىق تۇركى ەلدەرىنە ۇندەۋ تاستاپ، كەلەشەكتە بىرگە تويلاعىمىز كەلەدى» ، - دەدى م. قۇرمانعاليەۆا.

دوڭگەلەك ۇستەلدە زەرتتەۋشىلەر ەجەلگى رۋنا جازۋى بويىنشا شەبەرلىك سىنىپتارىن وتكىزدى.