الماتى- قورعاس تاسجولىندا كولىك اپاتىنان ءبىر ادام مەرت بولدى
وقيعا 24 - قاراشا كۇنى تۇنگى ساعات 20:00 شاماسىندا بولعان. الماتىعا قاراي باعىت العان «Mazda Familia» كولىگى جول جيەگىندەگى تەمىر جاقتاۋشالارعا سوعىلىپ، وقيعا ورنىندا ءبىر ادام مەرت بولدى. قايتىس بولعان 1965 -جىلعى ايەل ادام - جۇرگىزۋشىنىڭ اناسى. الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ماشينا سالونىندا التى ادام بولعان. ونىڭ ەكەۋى - بالا. قازىر 1995 -جىلعى كولىك جۇرگىزۋشىسى ءتۇرلى دەنە جاراقاتىمەن اۋرۋحاناعا تۇسكەن. ال قالعان ءتورت ادامنىڭ جاعدايى جاقسى.
«اتالعان فاكتى بويىنشا ق ر ق ك 345-بابىنىڭ 3-تارماعىنا سايكەس سوتقا دەيىنگى تەرگەۋ ءجۇرىپ جاتىر. بۇل ىسپەن الماتى وبلىستىق پوليتسيا دەپارتامەنتىنىڭ انىقتاۋشىلارى اينالىسۋدا. قاجەتتى ساراپتامالار تاعايىندالعان» دەپ مالىمدەدى اتالعان ۆەدومستۆونىڭ باسپا ءسوز قىزمەتىنەن.
اۆتور: سامال قابىشيەۆا
