مينيستر ەرجان ماكسيمگە: الەمگە قازاق مادەنيەتىن تانۋعا دەگەن قۇشتارلىعىن وياتتىڭىز
«قۇرمەتتى ەرجان! ءسىزدى Junior Eurovision song contest-2019 بايقاۋىندا جۇلدەلى ەكىنشى ورىن الۋىڭىزبەن شىن جۇرەكتەن قۇتتىقتايمىن! ءسىز پولشانىڭ گليۆيتسە قالاسىندا وتكەن Junior Eurovision حالىقارالىق ءان بايقاۋىنداعى جارقىن ونەرىڭىزبەن كەزەكتى رەت اسقاق ارمانعا دەگەن قۇلشىنىسى زور دارىندى، ەڭبەكقور ءانشى ەكەنىڭىزدى پاش ەتتىڭىز. راسىندا، ءسىزدىڭ ورىنداۋىڭىزداعى اسەم ءان الەم حالىقتارىنىڭ قازاق مادەنيەتىمەن تانىسا تۇسۋگە دەگەن قۇشتارلىعىن وياتقانى ءسوزسىز. الداعى ۋاقىتتا دا جاھاندىق بايقاۋلاردا ءساتتى ونەر كورسەتىپ، جارقىن جەتىستىكتەرىڭىزبەن ەل مەرەيىن ۇستەم ەتە بەرىڭىز. وسىناۋ ءساتتى پايدالانا وتىرىپ، سىزگە زور دەنساۋلىق، تولايىم شىعارماشىلىق تابىس تىلەيمىن!»، - دەپ جازىلعان ءمينيستردىڭ قۇتتىقتاۋىندا.
ەسكە سالا كەتسەك، پولشادا وتكەن «Junior Eurovision-2019» ءان بايقاۋىندا باق سىناعان قازاقستاندىق ەرجان ماكسيم ەكىنشى ورىن العان بولاتىن.
قازىلاردىڭ بەرگەن باعاسى بويىنشا ەرجان ماكسيم ءبىرىنشى ورىن الدى. ال ونلاين داۋىس بەرۋ قورىتىندىسىمەن 79 ۇپاي جينادى. وسىلايشا قازاقستاندىق ءانشى جالپى 227 ۇپايمەن ەكىنشى ورىن بولدى. بايقاۋدىڭ باس جۇلدەسىن 278 ۇپاي جيناعان پولشا وكىلى ۆيكي گابور جەڭىپ الدى.
وسىعان دەيىن جاس ءانشىنى ق ر پرەزيدەنتى قاسىم-جومارت توقايەۆ قۇتتىقتاعانىن جازعان ەدىك.
