10:15, 25 - قاراشا 2019 | GMT +5
تۇركىستانداعى ءىرى كولىك اپاتى كوكتايعاق سالدارىنان بولعان- پ د
تۇركىستان. قازاقپارات - ءىرى كولىك اپاتىنان زارداپ شەككەن 8 ادام جانساقتاۋ بولىمىندە جاتىر، دەپ حابارلايدى قازاقپارات ءتىلشىسى.
وقيعا ورنىنا تۇركىستان وبلىسى پ د باستىعى پوليتسيا گەنەرال- مايورى قايرات دالبەكوۆ بارىپ، اۋداندىق اۋرۋحاناعا تۇسكەن زارداپ شەككەندەردىڭ جاعدايىمەن تانىستى.
قازىرگى ۋاقىتتا اۋرۋحانادا 11 ادام بار، ونىڭ 8 ى جانساقتاۋ بولىمىندە، ءبىر زارداپ شەككەن ادامعا وتا جاسالدى.
«بۇل رەسپۋبليكالىق ماڭىزى بار جول. جول- كولىك وقيعاسى كوكتايعاق سالدارىنان بولدى. سوندىقتان جۇرگىزۋشىلەرگە جول ءجۇرۋ ەرەجەلەرىن ساقتاۋ، جىلدامدىقتى اسىرماۋ، مانەۆر جاساۋ ەرەجەلەرىن بۇزباۋ، ءبىر- بىرىنە قۇرمەتپەن قاراۋ، جول بويىندا ورنالاسقان جول بەلگىلەرىنە نازار اۋدارۋ قاجەت ەكەندىگىن ەسكەرتەمىز»، - قايرات دالبەكوۆ.
ەسكە سالساق، تۇركىستان وبلىسىندا بىرنەشە كولىك سوقتىعىسىپ، 15 ادام زارداپ شەككەنى تۋرالى بۇعان دەيىن حابارلاعان بولاتىنبىز.
اۆتور: اينۇر اقبايەۆا
