ەلوردادا عالىمدار الاش ارىستارىنا قاتىستى تىڭ دەرەكتەر ۇسىندى

نۇر-سۇلتان. قازاقپارات - ەلوردادا «احمەت بايتۇرسىن ۇلى وقۋلارى» اياسىندا «عاسىرلار توعىسىنداعى رۋحانيات ماسەلەلەرى» اتتى حالىقارالىق عىلىمي- تەوريالىق كونفەرەنتسيا ءوتتى، دەپ حابارلايدى قازاقپارات.

كونفەرەنسيانىڭ بەتاشار سوزىندە ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى ديحان قامزابەك ۇلى الاشتانۋدىڭ قازىرگى ماقسات، مىندەتتەرىنە توقتالىپ، الداعى دامۋ باعىتتارى قانداي بولماق دەگەن ماسەلەنىڭ توڭىرەگىندە وي ءوربىتى.

«ءبىلىم بەرۋ جۇيەسىنە، مەكتەپ وقۋشىلارى مەن ستۋدەنتتەرگە قويىلاتىن تالاپتار، سونىمەن قاتار قازىرگى جاھاندانۋ جاعدايىندا قازاقستان حالقى بايىرعى قۇندىلىقتارىن ساقتاي وتىرىپ، جاڭا ساپاعا كوتەرىلۋى ءتيىس. «رۋحاني جاڭعىرۋدىڭ» دۇنيەگە كەلۋ سەبەپتەرى دە وسى تالاپتاردان تۋىنداپ وتىر. الاش رۋحىنا ارنالعان وسى كونفەرەنتسيادا كەشەگىنى بۇگىنگە ۇلگى ەتەتىن ەل بولاشاعى ءۇشىن ماڭىزدى يدەيالار ۇسىنىلادى دەپ ويلايمىن»، - دەدى د. قامزابەك ۇلى.

الاش رۋحىن ارداقتاۋعا ارنالعان كونفەرەنتسيا اياسىندا كوتەرىلگەن ماسەلەلەر مەن ۇسىنىستار نەگىزىنەن كەشەگى مەن بۇگىنگىنى جالعاستىرۋعا جانە رۋحاني جاڭعىرۋدىڭ جولدارىن ايقىنداۋعا ارنالدى.

كونفەرەنسياعا ەلىمىزدىڭ تۇپكىر-تۇپكىرىنەن كەلگەن الاشتانۋشى عالىمدار قاتىستى. ولار الاش ارىستارىنىڭ ءومىرى مەن ولارعا قاتىستى تىڭ دەرەكتەر جانە ارحيۆ ماتەريالدارىن ۇسىندى.

ايتا كەتسەك، جيىندى ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە فيلولوگيا فاكۋلتەتى مەن №48-مەكتەپ- ليتسەيى بىرلەسىپ ۇيىمداستىردى.

اۆتور: مارلان جيەمباي