جولاۋشىلار ۇشاعىندا ۇشقىشتاردىڭ ءبىرى قازا بولدى
ول جەرگە قونىپ جاتقان كەزدە قايتىس بولدى، دەپ حابارلايدى تاسس ءوڭىردىڭ جەدەل قىزمەتىنە سىلتەمە جاساپ.
«ۇشاق شەرەمەتەۆودان ۇشىپ شىققان. تاڭعى ساعات 10 دار شاماسىندا ەكىنشى ۇشقىشتىڭ جاعدايى ناشارلاي باستاعان. ۇشاق شۇعىل قونۋعا رۇقسات سۇراعان. اۋە كەمەسى جەرگە قونىپ جاتقان كەزدە 1970 -جىلعى ۇشقىش قايتىس بولدى»، - دەدى اگەنتتىكتىڭ دەرەككوزى.
اۋەجاي باسپا ءسوز قىزمەتىنىڭ مالىمەتىنشە، ماسكەۋدەن اناپاعا باعىت العان «اەروفلوت» اۋە كومپانياسىنىڭ ۇشاعى ماسكەۋ ۋاقىتىمەن 09:57 دە پلاتوۆ اۋەجايىنا (دونداعى روستوۆ) جەدەل قوندى. قازىرگى تاڭدا ۇشاق اۋەجايدان ءوز باعىتى بويىنشا ۇشقالى جاتىر.
كوز جۇمعان ۇشقىشتىڭ ورنى باسقا مامانمەن اۋىستىرىلعان.
ر ف تەرگەۋ كوميتەتى كولىكتەگى وڭتۇستىك تەرگەۋ باسقارماسى وقيعا بويىنشا تەكسەرۋدى باستادى، دەپ حابارلادى تاسس-قا ۆەدومستۆو باسپا ءسوز قىزمەتىنەن.
