ەلوردادا جول اپاتىنان ءۇش ادام قازا تاۋىپ، ەكەۋى زارداپ شەكتى

«24 - قاراشا كۇنى ساعات 06.45-تە قابانباي باتىر داڭعىلى بويىندا بولعان جول اپاتى فاكتىسى بويىنشا ق ر ق ك- ءنىڭ 345-بابىمەن سوتقا دەيىنگى تەرگەۋ باستالدى. قاجەتتى ساراپتامالار تاعايىندالدى. الدىن الا مالىمەت بويىنشا، «ВАЗ-21099»  ماركالى كولىكتىڭ جۇرگىزۋشىسى قابانباي باتىر داڭعىلىمەن ماڭگىلىك ەل داڭعىلىنا قاراي كەلە جاتىپ، قارسى بەتكە شىعىپ كەتكەن. سالدارىنان «Toyota Camry» - مەن سوقتىعىسقان»، - دەپ ءمالىم ەتتى قالالىق پوليتسيا دەپارتامەنتىنەن.

اقپاراتقا سايكەس، «ВАЗ-21099»  اۆتوكولىگىنىڭ 19 جاستاعى جۇرگىزۋشىسى مەن ونىڭ 22 جانە 36 جاستاعى ەكى جولاۋشىسى وقيعا ورنىندا مەرت بولدى. سونداي- اق اۋرۋحاناعا وسى كولىكتە بولعان تاعى ءبىر ادام مەن «Toyota Camry»- ءدىڭ جۇرگىزۋشىسى جەتكىزىلدى.

اۆتور: ميرا تولەندى قىزى