ءۇش وڭىردە ايازعا بايلانىستى ساباقتار توقتاتىلدى

نۇر-سۇلتان. قازاقپارات - نۇر-سۇلتان قالاسى مەن شىعىس قازاقستان، قاراعاندى وبلىستارىنىڭ مەكتەپتەرىندە ايازعا بايلانىستى ساباقتار توقتاتىلدى، دەپ حابارلايدى قازاقپارات.

«21- قاراشا اۋا رايىنىڭ قولايسىزدىعىنا بايلانىستى (قاتتى اياز) قالا مەكتەپتەرىنىڭ ءبىرىنشى اۋىسىمىنداعى 0-9- سىنىپ وقۋشىلارى ءۇشىن ساباق بولمايدى»، - دەلىنگەن ەلوردالىق ءبىلىم باسقارماسىنىڭ حابارلاماسىندا.

سونداي-اق ش ق و- نىڭ بىرنەشە اۋدانى مەن قالالارىندا ءبىلىم بەرۋ پروتسەسى توقتاتىلدى.

اتاپ ايتقاندا، -28-34 ايازعا بايلانىستى وسكەمەن قالاسىندا، التاي، گلۋبوكوە، بەسقاراعاي، كوكپەكتى، اباي، ۇلان، تارباعاتاي، اياگوز جانە جارما اۋداندارىندا ءبىرىنشى اۋىسىمداعى 1-11- سىنىپتارعا، سونىمەن قاتار سەمەي مەن ريددەر قالالارىندا ءبىرىنشى اۋىسىمداعى 1-9- سىنىپتارعا، بورودۋليحا، كاتونقاراعاي اۋداندارى مەن كۋرچاتوۆ قالاسىندا 1-4- سىنىپ وقۋشىلارىنا ساباقتار توقتاتىلدى.

ال قاراعاندى وبلىسىندا بۇقار جىراۋ جانە وساكاروۆ اۋداندارىندا، تەمىرتاۋ قالاسىندا ءبىرىنشى اۋىسىمداعى 0-9- سىنىپتار، اباي، اقتوعاي، نۇرا، جاڭاارقا اۋداندارىندا جانە قاراعاندى، ساران، شاحتينسك، قاراجال قالالارىندا 0-4- سىنىپتار وقىمايدى. بۇل وڭىردە وسى ۋاقىتتا -27-28- گرادۋس اياز تۇر.