جەزقازعاندا مەكتەپ ورتەندى
بۇل جايىندا ق ر ءى ءى م توتەنشە جاعدايلار كوميتەتىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
«19 -قاراشا كۇنى ساعات 11-39 دا ورتكە قارسى قىزمەت پۋلتىنە جەزقازعان قالاسىنداعى №3-ورتا مەكتەپتەن ءورت شىققانى تۋرالى حابارلاما كەلىپ ءتۇستى. ءورت ءسوندىرۋ بولىمشەسى وقيعا ورنىنا جەتكەن كەزدە ەڭبەك كابينەتىنىڭ توكار ستانوكتارىنىڭ جاناتىن بولشەكتەرى، جيھاز، اعاش ەدەن، تەرەزە جاقتاۋلارى جانىپ جاتتى. قابىلدانعان شارالاردىڭ ارقاسىندا ساعات 12-03-تە ءورتتىڭ الدى الىنىپ، 12-10 دا ءسوندىرىلدى. قىزىل جالىن شارپىعان اۋماق 60 شارشى مەتردى قۇرايدى»، - دەپ اتاپ وتەدى كوميتەتتەن.
تاراتىلعان اقپاراتقا قاراعاندا، ءورت سوندىرۋشىلەر جەتكەنگە دەيىن مەكتەپ قىزمەتكەرلەرى 640 ادامدى، ونىڭ ىشىندە 570 وقۋشىنى قاۋىپسىز جەرگە شىعارىپ ۇلگەرگەن. الدىن الا مالىمەتتەرگە سايكەس، ءورر ەلەكتر سىمىنىڭ قىسقا تۇيىقتالۋىنان شىققان. ءورتتى سوندىرۋگە قاراعاندى وبلىستىق ت ج د جەكە قۇرامىنىڭ 15 مامانى مەن 4 ءورت ءسوندىرۋ تەحنيكاسى جۇمىلدىرىلدى. پوليتسيا قىزمەتكەرلەرى مەكتەپ اۋماعىن شورشاۋعا الدى.
اۆتور: مارلان جيەمباي