عالىمدار قۇپيانىڭ جاۋابىن ىزدەۋدە: ءشول دالادا جۇمباق الىپ سۋرەتتەر تابىلدى
سۋرەتتەردەن الىپ جانۋارلاردىڭ، قۇبىجىقتاردىڭ، تۇسىنىكسىز سىزىقتار مەن اڭداردىڭ سۋرەتتەرى بايقالعان. ماماندار جۇرگىزگەن قازبا جۇمىستارىنىڭ ناتيجەسىندە 143 گەوگليف سۋرەتتەرى تابىلعان، ولاردىڭ كەيبىرەۋلەرى جاساندى ينتەللەكتىڭ كومەگىمەن انىقتالىپتى. زەرتتەۋشىلەر سۋرەتتەردىڭ ب. ز. ب. 100-300 جىلدارعا جاتاتىندىعى تۋرالى ايتتى.
قازىرگى ۋاقىتتا عالىمدار كەسكىندەردىڭ كومەگىمەن ايماقتىڭ كارتاسىن جاساپ شىعارۋدى جولعا قويعان. ولار الداعى ۋاقىتتا ناسكا بەينەلەرىنىڭ ماعىناسى جاقىن ارادا زەرتتەۋدىڭ جاڭا ناتيجەلەرىمەن بىرگە اشىلاتىنىن جەتكىزدى.
گەوگليفتەر نەمەسە ناسكا سىزىقتارى دەپ شامامەن XII عاسىرلارعا دەيىن ناسكو ۇستىرتىندە تابىلعان گەومەتريالىق سىزىقتار مەن سۋرەتتەردى ايتادى. سۋرەتتەر الىپ بولعاندىقتان ولاردى تەك اسپاننان كورۋگە بولادى. قازىرگى ۋاقىتتا ولاردىڭ استرونوميالىق باقىلاۋ جانە سالت- جورالعىلاردى ورىنداۋ ماقساتىندا پايدالانىلعان دەگەن بولجامدار بار.
