قازاقستاننىڭ بايگە اتتارىن ۇرلاپ، شەكارا اسىرعاندار ۇستالدى

ورال. قازاقپارات - باتىس قازاقستان وبلىسىندا بايگە اتتارىن ۇرلاعاندار ۇستالدى، دەپ حابارلايدى قازاقپارات ءتىلشىسى.

ب ق و پوليتسيا دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، بارىمتاشىلار تاسقالا اۋدانى اينابۇلاق اۋىلى تۇرعىنىنىڭ قوراسىنان ەكى بايگە جىلقىنى جىمقىرىپ كەتكەن.

وسىلايشا اۋىل تۇرعىنىنا 2 ميلليون 485 مىڭ تەڭگە زالال كەلتىرىلگەن.

ىزدەستىرۋ شارالارى بارىسىندا قىلمىستىق توپ قولعا ءتۇستى.

ورال قالاسىنىڭ 1991 جانە 1995-جىلعى تۇرعىندارى ۇرلانعان قوس جىلقىنى كورشىلەس ساراتوۆ وبلىسىنا اسىرىپ جىبەرىپ، سونداعى تانىستارىندا ۇستاعان.

جىلقىلار يەسىنە قايتارىلدى.

كۇدىكتىلەرگە قاتىستى ق ر ق ك 188-بابى 3-بولىگىنە سايكەس تەرگەۋ امالدارى جۇرگىزىلىپ، قىلمىستىق ءىس سوتقا جىبەرىلدى.

مال يەسىنىڭ ايتۋىنشا، ۇرلانعان سايگۇلىكتەرى بۇرىن رەسپۋبليكالىق، وبلىستىق، اۋداندىق بايگەلەردە جۇلدە الىپ جۇرگەن. قايتارىلعان كەزدە جىلقىلاردىڭ قوڭدانىپ قالعانى بايقالعان. ياعني، ۇرىلار ولاردى سەمىرتىپ، ەتكە ساتىپ جىبەرۋدى كوزدەسە كەرەك.