جۇمىس ىستەيتىن ءار قازاقستاندىقتىڭ باسپاناسى بولۋى كەرەك - مارحابات جايىمبەتوۆ
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ق ر يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ ايتتى.
«2019 -جىلى مەملەكەتتىڭ قولداۋىمەن ەلىمىزدە 30 مىڭ ادام جالدامالى پاتەرمەن قامتاماسىز ەتىلدى. بيىل ماۋسىم ايىنان باستاپ «باقىتتى وتباسى» جوباسى ىسكە قوسىلدى. بۇل باعدارلاما اياسىندا 5 مىڭنان استام كوپبالالى، تولىق ەمەس جانە مۇگەدەك بالا اسىراپ وتىرعان وتباسىلار الەۋمەتتىك قولداۋعا يە بولدى»، - دەيدى مارحابات جايىمبەتوۆ.
ونىڭ ايتۋىنشا، كەلەسى جىلى بۇل كورسەتكىش 10 مىڭ ادامعا وسەدى.
«تۇرعىن ءۇي ساياساتىنىڭ يدەولوگياسى مىناداي - جۇمىس ىستەيتىن ءار قازاقستاندىقتىڭ باسپاناسى بولۋى كەرەك. تۇرعىن ءۇي جانە كوممۋنالدىق سالادا جۇرگىزىلەتىن ءبىرىڭعاي ساياسات - حالىق سانى ءوسىمىن، ولاردىڭ اۋىلدان قالاعا كوشۋ ۇدەرىسىن، سونىمەن قاتار ءار ءوڭىردىڭ ەرەكشەلىگىن ەسەپكە الا وتىرىپ، ەلدى مەكەندەردىڭ جايلى تىرشىلىك ورتاسىن دامىتۋعا كەشەندى كوزقاراسىن قامتاماسىز ەتۋ»، - دەيدى ول.
اۆتور: زارينا قاھارمان
