تاجىكستاندا شەكارا زاستاۆاسىنا شابۋىلداعان توپتىڭ دايش تەرروريستەرى ەكەنى انىقتالدى
تاجىكستان رەسپۋبليكاسى ۇلتتىق قاۋىپسىزدىك مەملەكەتتىك كوميتەتى شەكارا اسكەرلەرىنىڭ باسپا ءسوز ورتالىعىنىڭ مالىمدەۋىنشە، ۇستالعانداردى تەرگەۋ كەزىندە «سۇلتاناباد» شەكارا وتريادى اسكەري ءبولىمىنىڭ №4 «يشكاباد» شەكارا زاستاۆاسىنا شابۋىل جاساعانداردىڭ بارلىعى «دايش» تەرروريستىك توبىنىڭ ارناۋلى تاپسىرماسىمەن مەملەكەت شەكاراسىن 2019 -جىلعى 3 - قاراشا كۇنى تۇندە زاڭسىز بۇزىپ كىرگەنى انىقتالعان. اگەنتتىكتىڭ حابارلاۋىنشا، لاڭكەستەردىڭ بارلىعى - دايش مۇشەلەرى.
ولار وزدەرىنە «يشكاباد» شەكارا زاستاۆاسىن قولايلى ساناپ، سوعان قارۋلى شابۋىل جاساعان.
قازىر جەدەل تەرگەۋ توبى تەرگەپ- تەكسەرۋدى جالعاستىرىپ جاتىر.
ەسكە سالا كەتەيىك، 6 - قاراشاعا قاراعان ءتۇنى ساعات 03:23-تە بەلگىسىز 20 ادامنان تۇراتىن قارۋلى توپ تاجىكستاننىڭ «سۇلتاناباد» شەكارا وتريادى اسكەري ءبولىمىنىڭ №4 «يشكاباد» شەكارا زاستاۆاسىنا شابۋىل جاساعانىن حابارلاعان ەدىك.
كۇش قۇرىلىمدارىنىڭ جەدەل ارەكەت ەتۋىنىڭ ارقاسىندا قورشاۋعا الىنعان قارۋلى قىلمىستىق توپتىڭ 15 مۇشەسىنىڭ كوزى جويىلدى، 5-ەۋى قاماۋعا الىنعان.
اۆتور نۇرلان تۇياقوۆ
