عالىمدار: كومىرقىشقىل گازى شىعارىندىلارى ازايماسا، ادامزاتتى ازاپتى كۇندەر كۇتەدى
153 ەلدىڭ، ونىڭ ىشىندە رەسەيدىڭ 11 مىڭنان استام عالىمدارى كومىرقىشقىل گازى شىعارىندىلارى شۇعىل ازايماسا، ادامزاتتى «ءسوزسىز ازاپ» كۇتەدى دەپ مالىمدەدى. زەرتتەۋشىلەردىڭ عىلىمي تۇجىرىمدارى BioScience جۋرنالىندا جاريالانعان.
ماماندار 40 جىلدىق زەرتتەۋلەردەن كەيىن وسىنداي قورىتىندى جاسادى. ولار ەنەرگيانى تۇتىنۋ، جەر بەتىندەگى تەمپەراتۋرا، پوپۋلياتسيانىڭ ءوسۋى، ورماننىڭ جويىلۋ قارقىنى، پوليارلىق مۇز ماسسالارى، جالپى ىشكى ءونىم جانە كومىرقىشقىل گازىنىڭ شىعارىندىلارى تۋرالى مالىمەتتەردى تالدادى.
عالىمدار كليماتتىڭ وزگەرۋى ولاردىڭ كوپشىلىگى كۇتكەننەن تەزىرەك بولىپ جاتقانىن ايتادى. ءبىراق ادامزات ءالى دە وزگەرە الادى جانە جاھاندىق جىلىنۋدى باسەڭدەتە الادى.
اتاپ ايتقاندا، زەرتتەۋشىلەر قازبالى وتىندى جاڭارتىلاتىن ەنەرگيا كوزدەرىمەن الماستىرۋدى، تۇراقسىز لاستاۋشى زاتتاردىڭ شىعارىندىلارىن ازايتۋدى، جوعارى «كومىرتەگى سالىعىن» ەنگىزۋدى، جاپپاي ورمان كەسۋدى توقتاتۋدى، ءى ج ءو- ءنىڭ وسۋىنە ۇمتىلماي جانە مال از شىعاتىن تاعامداردى تۇتىنۋدى ۇسىنادى.
