جاندىكتەردىڭ جويىلۋ پروبلەماسى ءبىز ويلاعاننان دا اۋقىمدى - عالىمدار
شۆەيتساريانىڭ ورمان، قار جانە لاندشافت زەرتتەۋ ينستيتۋتى مەن بەرن ۋنيۆەرسيتەتىنەن قۇرالعان حالىقارالىق كوماندا 2008-2017 -جىلدار ارالىعىنداعى كورسەتكىشتەردى ساراپتاعان. ولاردىڭ ايتۋىنشا، سوڭعى ون جىلدا جاندىكتەردىڭ بارلىق تۇرلەرىنىڭ ۇشتەن ءبىرى جويىلىپ كەتكەن. بۇل تۋرالى ەكولوگتار Nature جۋرنالىندا جازدى.
«زەرتتەۋشىلەر گەرمانيانىڭ ءۇش اۋماعىنداعى 300 اۋداندا كەزدەسەتىن ميلليونعا جۋىق جاندىكتەردى جيناعان. ول شامامەن 2,7 مىڭ ءتۇر وكىلدەرى بولعان. عالىمدار اۋىل شارۋاشىلىعى جاقسى دامىعان جەرلەردە جاندىكتەردىڭ جويىلۋ قارقىنى جوعارى ەكەنىن انىقتاعان» دەپ جازادى باسىلىم.
اۆتوردىڭ ايتۋىنشا، ورماندى جەرلەردە جاندىكتەردىڭ تۇرلەرى %36 عا ازايعان.
سونىمەن قاتار، ولاردىڭ جالپى سانى دا كەمىپ جاتىر. عالىمدار ورمانداعى جاندىكتەردىڭ بيوماسساسى ون جىلدا %41 عا ازايعانىن ايتتى.
اۆتور: ايكۇمىس بولاتبەك
