ءاليحان سمايىلوۆ شاڭحايدا وتكەن حالىقارالىق يمپورت كورمەسىنىڭ اشىلۋىنا قاتىستى
دەپ حابارلايدى قازاقپارات قارجى مينيسترلىگىنىڭ باسپا ءسوز قىزمەتىنە سىلتەمە جاساپ.
ءا. سمايىلوۆ قازاقستاننىڭ ەكونوميكالىق جانە ينۆەستيتسيالىق الەۋەتىن كورسەتۋ ماقساتىندا ق ح ر ساۋدا مينيسترلىگى ۇسىنعان شاڭحاي كورمەسىندەگى قازاقستان رەسپۋبليكاسىنىڭ ۇلتتىق جانە ساۋدا پاۆيلوندارىن ارالادى.
بيىلعى 13 - ماۋسىمدا بىشكەكتە وتكەن ش ى ۇ- عا مۇشە مەملەكەتتەر باسشىلارىنىڭ 19-وتىرىسىنا قاتىسۋ اياسىندا بولعان قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ پەن ق ح ر ءتوراعاسى شي جينپيڭ اراسىنداعى كەلىسسوزدەر بارىسىندا قىتاي تاراپى قازاقستاندى قاراشا ايىندا وتەتىن 2- قىتاي حالىقارالىق يمپورت كورمەسىنە قۇرمەتتى قوناق رەتىندە قاتىسۋعا شاقىرعان بولاتىن.
شاڭحاي كورمەسىندە قازاقستان رەسپۋبليكاسى ۇلتتىق ستەندتى ەلدىڭ ەكونوميكالىق جانە ينۆەستيتسيالىق الەۋەتىن كورسەتتى.
قازاقستان رەسپۋبليكاسىنىڭ ۇلتتىق پاۆيلونىندا ينۆەستيتسيالىق، ساۋدا، بيزنەس جانە تۋريزم سالاسىنداعى ەلدىڭ مۇمكىندىكتەرىن تانىستىرۋ ءۇشىن سەگىز ءىرى كومپانيا، ونىڭ ىشىندە «Kazakh Invest» ۇ ك ا ق، «سامۇرىق- قازىنا»، « بايتەرەك»، AIFC،
«Astana Expo –2017 », «Kazakh Export», ССДО
«Qaztrade», «KazakhTourism» جانە «قورعاس» ش ى ح و كورسەتىلگەن.
شاڭحاي يمپورت كورمەسىندەگى 180 شارشى مەتر اۋماقتى الاتىن ەلىمىزدىڭ پاۆيلونىندا قازاقستاندىق ونىمدەردى ەلىمىزدىڭ تاماق جانە اۋىل شارۋاشىلىعى سالالارىنىڭ 30 كومپانياسى ۇسىندى.
كورمە بارىسىندا ءبىرقاتار ەكسپورتتىق كەلىسىمشارتتارعا قول قويىلدى.
وتكەن جىلى شاڭحايدا وتكەن 1- قىتاي حالىقارالىق يمپورت كورمەسىنە 130 دان استام ەلدەن كەلگەن 3 مىڭنان استام كومپانيا قاتىستى. ونىڭ ەكى ءجۇزى الەمدەگى 500 ءىرى كاسىپورىنداردىڭ تىزىمىندە.
270 مىڭ شارشى مەتردى قۇرايتىن كورمەنىڭ جالپى الاڭىندا 5 مىڭعا جۋىق ءتۇرلى بۇيىمدار مەن تەحنولوگيالار ۇسىنىلدى. ءىس- شاراعا 18 مەملەكەت پەن ۇكىمەت باسشىسى جانە 160 مىڭعا جۋىق ساتىپ الۋشى قاتىستى.
