قارۋلى كۇشتەر اسكەري بارلاۋشىلار كۇنىن اتاپ ءوتتى
اسكەري بارلاۋشىلاردىڭ نەگىزگى ماقساتى - ارەكەتتەگى نەمەسە بولجامدى قارسىلاس تۋرالى، ونىڭ اسكەري رەسۋرستارى مەن جاۋىنگەرلىك مۇمكىندىكتەرى، الەمدەگى اسكەري احۋال جايىنداعى مالىمەتتەردى الۋ جانە وڭدەۋ بويىنشا كەشەندى شارالاردى ورىنداۋ.
اسكەري بارلاۋشىلار ۇلتتىق مۇددەنى قورعاپ، ەلىمىزدىڭ قورعانىس قابىلەتىن نىعايتۋعا ايتارلىقتاي ۇلەس قوسۋدا. جىل سايىن ولاردىڭ جۇمىس ىستەۋ ادىستەرى مەن تاسىلدەرى دامىپ جاتىر، الايدا نەگىزگى ماقساتى وزگەرگەن جوق.
قازاقستان قارۋلى كۇشتەرى ارنايى بولىمشەسىنىڭ اسكەري قىزمەتشىلەرى تۇراقتى تۇردە حالىقارالىق جارىستار مەن وقۋ- جاتتىعۋلارعا قاتىسۋ ارقىلى جاۋىنگەرلىك داعدىلارىن جەتىلدىرىپ، كاسىبيلىگىن دالەلدەۋدە. سوڭعى بىرنەشە ايدا قازاقستاننىڭ ارنايى بولىمشەلەرى «التىن ۇكى-2019» حالىقارالىق جارىسىنا، «ىستىقكول- اڭىراقاي-2019»، «دوستارىم-2109»، «تۇلكى اۋلاۋ-2019» سىندى وقۋ- جاتتىعۋلارعا قاتىستى.
جۇكتەلگەن مىندەتتەردى اتقارۋ ءۇشىن بارلاۋشىلار تەلەكوممۋنيكاتسيالىق، اقپاراتتىق جانە عارىشتىق تەحنولوگيالار سالاسىنداعى سوڭعى الەمدىك جەتىستىكتەر نەگىزىندە قۇرىلعان زاماناۋي تەحنيكالىق قۇرالدارمەن جابدىقتالعان.
بارلىق ۋاقىتتا اسكەري بارلاۋ مەملەكەت تاعدىرىندا ماڭىزدى ءرول اتقارىپ، ۇلتتىق مۇددەلەردىڭ سەنىمدى قورعاۋشىسى بولدى. ول تاريح بەتتەرىندە بەينەسىن وزگەرتسە دە، ءوزىنىڭ جاۋىنگەرلىك ماقساتىن ساقتاپ قالدى.
