تۇركيا تاياۋدا ولتىرىلگەن د ا ي ش باسشىسى ءال-باعداديدىڭ اپكەسىن قولعا ءتۇسىردى
اقپاراتتى جەرگىلىكتى اقپارات اگەنتتىكتەرى جوعارى لاۋازىمدى تۇرىك شەنەۋنىگىنە سىلتەپ تاراتتى.
بۇل مالىمەتكە قاراعاندا، 65 جاستاعى ءراسميا اۆاد وتباسىمەن بىرگە الەپپو پروۆينتسياسىنداعى ازاز قالاسىنا تاياۋ جەردە تۇرعىن ۇيگە بەيىمدەلگەن كونتەينەردە تىعىلىپ جاتقان. ارنايى وپەراتسيا بارىسىندا دۇيسەنبى كەشكە ۇستالعان. ونىمەن بىرگە كۇيەۋى، كەلىنى جانە بەس بالاسى قاماۋعا الىنعان.
- بارلاۋعا تاپتىرماس دەرەك. ونىڭ «يسلام مەملەكەتى» تۋرالى بىلەتىندەرى بۇل ۇيىم جايلى تۇسىنىگىمىزدى الدەقايدا كەڭەيتۋى مۇمكىن، - دەيدى دەرەككوز.
«يسلام مەملەكەتى» تەررور ۇيىمىنىڭ باسشىسى ءابۋ باكىر ءال-باعدادي وتكەن ايدا ا ق ش اسكەرىنىڭ ارنايى وپەراتسياسى بارىسىندا ءوزىن-ءوزى جارىپ جىبەرگەن. وسى رەيد كەزىندە «يسلام مەملەكەتى» تۋرالى ماڭىزدى اقپاراتتارى بولۋى مۇمكىن قۇجاتتار تابىلعان.
«ازاتتىق»
