پرەزيدەنت تىكۇشاعى شۇعىل قونۋعا ءماجبۇر بولدى

نۇر-سۇلتان. قازاقپارات- بوليۆيا پرەزيدەنتى ەۆو مورالەس مىنگەن تىكۇشاق شۇعىل قونۋعا ءماجبۇر بولدى. بۇل تۋرالى ەلدىڭ اسكەري-اۋە كۇشتەرى Тwitter- دە رەسمي مالىمدەدى، دەپ حابارلايدى قازاقپارات.

بوليۆيا رەسپۋبليكاسى ا ا ك- ءنىڭ مالىمدەۋىنشە، وقىس وقيعا 4- قاراشا كۇنى بولعان. ەشكىم زارداپ شەكپەگەن. پرەزيدەنتتى كولكيريدەن ورۋروعا اپارا جاتقان تىكۇشاقتان اقاۋ تابىلعان.

25- قازان كۇنى بوليۆيانىڭ جوعارى سايلاۋ سوتى پرەزيدەنت سايلاۋىندا مورالەس جەڭىپ شىققانىن جاريالادى. داۋىس بەرۋ قورىتىندىلارى وپپوزيتسيانىڭ قاتاڭ سىنىنا ۇشىراعان ەدى. ءتىپتى سايلاۋدى باقىلاپ وتىرعان وزگە امەريكا ەلدەرى دە بۇعان نارازىلىق تانىتقان.

داۋىستاردى ساناۋ كەزىندە بوليۆيانىڭ بىرنەشە قالاسىندا ەرەۋىلدەر بولىپ، ارتى تارتىپسىزدىككە ۇلاستى. نارازى جۇرت سايلاۋ سوتىنىڭ جەر-جەردەگى بولىمشەلەرىن ورتەپ تە جىبەردى.

ال مورالەس بۇل وقيعانى مەملەكەتتىك توڭكەرىس جاساۋدىڭ امالى دەپ باعالادى.