22:36, 04 - قاراشا 2019 | GMT +5
جەردىڭ تىرشىلىگى جوق اۋماعى انىقتالدى
نۇر-سۇلتان. قازاقپارات - پاريج ۋنيۆەرسيتەتىنىڭ عالىمدارى ەفيوپياداعى داللول القابىن زەرتتەپ، ونداڭ ءتىپتى، باكتەريالاردىڭ ءومىر ءسۇرۋى مۇمكىن ەمەس ەكەندىگىن انىقتادى.
«سۋدىڭ بولۋى كوپ جاعدايدا تىرشىلىكتىڭ نەگىزگى كريتەريى رەتىندە تانىلادى. دەگەنمەن، ءبىزدىڭ زەرتتەۋ ناتيجەلەرىمىز سۋ بولا تۇرا جەردىڭ تىرشىلىگى جوق قاباتىن انىقتادى» - دەپ مالىمدەدى ماماندار.
سونىمەن قاتار، زەرتتەۋشىلەر بۇل ايماقتاعى سۋدىڭ تەمپەراتۋراسى 109 گرادۋسقا جەتەتىندىگىن، جانە ول وتە تۇزدى جانە قىشقىل ەكەندىگىن ەسكەرە وتىرىپ، مۇنداي جاعدايدا ءتىرى جاسۋشالار ءومىر سۇرە المايتىندىعىن ايتتى.
بۇعان دەيىن يسپانيالىق زەرتتەۋشىلەر داللول القابىندا مەكەندەيتىن باكتەريالاردى تاپقان ەدى، الايدا فرانسيانىڭ عالىمدارى مۇنى ءوز زەرتتەۋلەرىندە جوققا شىعاردى.
