يراكتاعى قازاق بالالارى قاشان ەلگە قايتارىلادى
«يراكتا جۇرگەن كىشكەنتاي قازاق بالالارىن ەلگە الىپ كەلەمىز. جاقىن ارادا بولۋى كەرەك. وسى ايدىڭ ىشىندە... ناقتى قاشان ەكەنىن ايتا المايمىن. بالالاردىڭ شەشەلەرى سوتتالىپ، تۇرمەدە وتىر. سوندىقتان، بالالارى جات ەلدە قالماسىن دەپ، وسىنداعى تۋعان- تۋىستارى ءوتىنىش ءبىلدىردى. سول بالالاردى الىپ كەلەمىز. ارينە، بۇقارالىق اقپارات قۇرالدارى وكىلدەرىن اۋەجايدان كۇتىپ الۋعا شاقىرامىز»، - دەدى ايبەك سمادياروۆ ۆەدومستۆودا وتكەن بريفينگ بارىسىندا.
ەسكە سالا كەتسەك، ەلوردادا 9 - قازاندا وتكەن ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ە ق ى ۇ) اۋعانستان بويىنشا جيىنىندا ق ر سىرتقى ىستەر ءمينيسترى مۇحتار تىلەۋبەردى قازاقستاننىڭ يراكتان 14 بالانى قايتارۋ باعىتىندا جۇمىس جۇرگىزىپ جاتقانىن حابارلاعان بولاتىن.
«ولاردىڭ انالارى سول جاقتا ءومىر بويىنا باس بوستاندىعىنان ايىرىلعان»، - دەگەن ەدى مينيستر.
اۆتور ايان بەكەن ۇلى
