قىرعىزستان قىتايمەن شەكاراعا ساۋدا- لوگيستيكا ورتالىعىن سالۋدى كوزدەيدى
نۇر-سۇلتان. قازاقپارات – قىرعىزستاننىڭ قىتايمەن شەكارالاس اۋدانىندا ساۋدا-لوگيستيكا ورتالىعى پايدا بولۋى مۇمكىن.
بۇل تۋرالى شاڭحاي ىنتىماقتاستىق ۇيىمىنا مۇشە مەملەكەتتەردىڭ تاشكەنتتە وتكەن كەزەكتى وتىرىسىندا قىرعىزستان پرەمەر-ءمينيسترى مۇحاممەدقالي ابىلگازيەۆتىڭ سوزىندە ايتىلدى.
قىرعىز پرەمەر-ءمينيسترى الەمدەگى قارجى داعدارىستارىنىڭ اسەرىن ازايتۋ ماقساتىندا قىرعىزستان مەن قىتايدى ءوزارا ۇلتتىق ۆاليۋتالارىمەن ەسەپتەسۋگە كوشىرۋ، شاڭحاي ىنتىماقتاستىق ۇيىمىنا مۇشە مەملەكەتتەردىڭ ترانزيت جانە ساۋدا-ەكونوميكالىق الەۋەتىن دامىتۋ ماقساتىندا ساۋدا-لوگيستيكا ورتالىعىن سالۋ جونىندە باستاما كوتەرگەن. مۇحاممەدقالي ابىلعازيەۆ «بۇل جوبا ش ى ۇ- عا قاتىسۋشى مەملەكەتتەردىڭ بارلىعىنا ءتيىمدى بولادى» دەپ سانايدى.
قىتايمەن اراداعى ساۋدا-ەكونوميكا قاتىناستارىن كۇشەيتۋ ماقساتىندا قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ 2002-جىلى كوتەرگەن باستاماسىمەن قازاقستان - قىتاي شەكاراسىندا «قورعاس» شەكارا ماڭى ىنتىماقتاستىق ورتالىعى اشىلعان.
شاڭحاي ىنتىماقتاستىق ۇيىمى 2001-جىلى قىتايدىڭ شاڭحاي قالاسىندا قۇرىلعان. وعان قازاقستان، قىرعىزستان، قىتاي، رەسەي، وزبەكستان، كەيىنىرەك ءۇندىستان مەن تاجىكستان كىرگەن. اۋعانستان، بەلارۋس، يران جانە موڭعولياعا باقىلاۋشى مارتەبەسى بەرىلگەن.
«ازاتتىق»
