11:14, 04 - قاراشا 2019 | GMT +5
جەكسەنبى كۇنى كولىك بازارىندا اتىس بولىپ، بەس ادام وققا ۇشتى
نۇر-سۇلتان. قازاقپارات - مەكسيكاداعى كولىك بازارىندا اتىس بولىپ، بەس ادام قازا تاپقان، دەپ حابارلايدى قازاقپارات Televisa تەلەارناسىنا سىلتەمە جاساپ.
مەكسيكانىڭ باتىسىنداعى ميچواكان شتاتىنىڭ ۋرۋاپان قالاسىندا اۆتوموبيل بازارىندا جەكسەنبى كۇنى ءبىر توپ بەلگىسىز ادام ساتۋشىلارعا وق جاۋدىرعان. كەم دەگەندە بەس ادام وققا ۇشتى.
قىلمىسكەرلەر وقيعا ورنىنان ءىزىن سۋىتقان. ازىرگە ولاردى ۇستاۋدىڭ امالى تابىلماي تۇر. بيلىك وقىس وقيعانى تەكسەرۋگە كىرىستى.
كەي دەرەكتەرگە قاراعاندا، وسى شابۋىلدىڭ ارتىندا وڭىردەگى قىلمىستىق توپتاردىڭ ءبىرى تۇرعان بولۋى مۇمكىن.
ەسكە سالا كەتەيىك، وسىدان جيىرما كۇندەي بۇرىن مەكسيكانىڭ ءدال وسى ميچواكان شتاتىندا قاسكويلەر پوليتسياعا شابۋىل جاساپ، كەم دەگەندە 14 ءىن ءولتىرىپ كەتكەن بولاتىن.
