بۇل قالالارعا اياق باسپاعان ابزال

نۇر-سۇلتان. قازاقپارات - جىل وتكەن سايىن الەمدە حالىق سانى دا ارتىپ كەدەدى. سول سەبەپتى ءار جەردەگى ءارتۇرلى ماسلەە تۋىنداۋى دا زاڭدى. كەي قالالاردا بۇل ەكولوگيالىق اپاتقا اكەلۋى مۇمكىن. بۇگىن الەمدەگى ەڭ لاس قالالار قاتارىن ۇسىنامىز.

ادديس- ابەبا. ەفيوپيا

بۇل افريكا مەملەكەتىنىڭ استاناسىندا تۇشى سۋ مەن قاتاڭ سانيتارلىق ساقتاۋ جەتىسپەيدى. اۋىلدان قالاعا كەلەتىن حالىق پەن جالپى جەرگىلىكتى حالىق سانى تىم كوبەيگەن. سوندىقتان ءوندىرىس ورىندارىنان شىعارىلاتىن قالدىقتار جەر استى سۋلارىن لاستايدى. وزدەرى پايدالاناتىن اۋىز سۋىنىڭ قۇرامىندا كوپ مولشەردە حروم بار.

مايلۋۋ- سۋۋ. قىرعىزستان

قىرعىزستاننىڭ وڭتۇستىك اۋماعىندا ورنالاسقان بۇل قالا نەگىزىنەن شاحتەرلەر مەكەنى بوپ ەسەپتەلەدى. بۇل عالامشارىمىزداعى اسا لاستانعان قالالاردىڭ ءبىرى. كەڭەس داۋىرىندە بۇل بارلىق الپاۋىت ەلدەردەن شىعارىلعان راديواكتيۆتى قالدىقتاردى تاستايتىن قوقىس ورنى بولعان.

مەحيكو. مەكسيكا

مەكسيكا استاناسىندا ءومىر ءسۇرۋ ءبىر كۇندە ەكى قوراپ تەمەكى تارتۋمەن تەڭ ەكەنى دالەلدەنگەن. الايدا قازىرگى كەزدە جاعداي ازداپ جاقسارتىلعان. ءبىراق وتكەن ءجۇزجىلدىقتىڭ اياعىندا بىرىككەن ۇلتتار ۇيىمى وسى قالادان ۇشىپ وتكەن قۇستار امان قالمايتىنىن ەسكەرتكەن.

سۋمگايىت. ءازىربايجان

بۇل حيميالىق ءوندىرىس ورىندارىنىڭ ورتالىعى. سونىمەن قاتار مۇندا كولىك جاساۋ زاۋىتتارى جۇمىس ىستەيدى، جوندەۋ جۇمىستارىنىڭ قۇرالدارى وندىرىلەدى. زاۋىتتاردان شىعارىلاتىن توكسيندەر سانى كۇن ساناپ ارتىپ كەلەدى. قىزىعى سول، بۇل جەردىڭ تۇرعىندارى تۋعان قالاسىن ەكولوگيالىق اپاتقا ۇشىراپ جاتقان جەر دەۋگە قيمايدى، مويىندامايدى.

نوريلسك. رەسەي

نوريلسك اۋىر مەتالداردى وڭدەپ شىعارۋ جونىنەن الەمدەگى ەڭ الىپ قالا. جىلىنا 4 ميليوننان استام مىس، مىرىش، قورعاسىن سەكىلدى اۋىر مەتالدار سىرتقا شىعارىلادى. تۇرعىندار كوپتەگەن اۋرۋلاردان زارداپ شەگەدى، ال وسىمدىك دەگەن اتىمەن جوق. بۇل قالادا وسەتىن جيدەكتەر مەن ساڭىراۋقۇلاقتار ۋلى سانالادى. اۋا كۇكىرتتىڭ ەسەلەنگەن توتىعىنا تولى.

لينفەن. قىتاي

بۇل الەمدەگى ەڭ قورقىنىشتى قالالاردىڭ ءبىرى. مۇندا كومىر وندىرىلەدى. مەحيكومەن سالىستىرعاندا مۇندا ءبىر كۇندە ءۇش قوراپ تەمەكى تاۋىسىپ تاستاعانداي كۇيدە بولاسىز. حالىقتىڭ كوپشىلىگى راۋ اۋرۋىنا جانە باسقا دا سوزىلمالى وكپە اۋرۋلارىنا شالدىققان. 4 ميلليون حالقى بار بۇل قالانىڭ جاعدايى ايانىشتى. بيىك عيماراتتا تۇرساڭىز، تۇتىننەن قالا ىشىندە نە بار، نە جوعى دا كوزگە كورىنبەيدى. ادامدار رەسپيراتورمەن (شاڭ- توزاڭنان تىنىس جولدارىن ساقتاپ تۇراتىن قۇرال) جۇرەدى، سۋدى تەك دۇكەننەن ساتىپ الادى. قۇبىرداعى سۋ ماي سەكىلدى.

Massaget.kz