ديماش قۇدايبەرگەن الەمدىك برەندتىڭ امباسسادورى بولدى

نۇر- سۇلتان. قازاقپارات -  ديماش قۇدايبەرگەن Jacob Co كومپانياسىنىڭ امباسسادورى بولدى، دەپ حابارلايدى قازاقپارات.

«نيۋ- يوركتەن فوتوسۋرەت. ءبىز مايكل دجەكسونمەن جانە باسقا دا الەمدىك جۇلدىزدارمەن ىنتىماقتاسقان الەمدەگى ۇزدىك ساعاتتاردىڭ نەگىزىن قالاۋشى دجەيكوب مىرزامەن سۋرەتكە تۇستىك. قازىر مەن Jacob Co. @jacobandco امباسسادورىمىن» ، - دەپ جازادى ءانشى ءوزىنىڭ جەلىدەگى پاراقشاسىندا.

ەستەرىڭىزگە سالا كەتسەك، برۋكلينداعى (نيۋ- يورك) Barclays Center ساحناسىندا يگور كرۋتويدىڭ «65 كە ومىردە، ءبىر- اق رەت تولامىز» اتتى كەشى وتكەن بولاتىن. كونسەرتكە ديماش قۇدايبەرگەن قۇرمەتتى قوناق رەتىندە قاتىسىپ، بىرنەشە ءان ورىندادى.

ايتا كەتەرلىگى، ءدال وسى برۋكلينداعى Barclays Center ساحناسىندا ديماش تا كونسەرت بەرەدى. ەلىمىزدىڭ مادەنيەت جانە سپورت مينيسترلىگىنىڭ ۇيىتقى بولۋىمەن وتەتىن مادەني كەشتە ءانشى 4 تىلدە ءان سالادى.