مۇحاممەد پايعامبار جايلى باتىس ويشىلدارى نە دەيدى؟
پرەنس وتتو ۆون بيسمارك:
«مەن مىنانى مويىندايمىن؛ مۇحاممەد - عاجاپ ءبىر كۇش. جاراتۋشى مۇنداي كىسىنى ەكىنشى رەت جاراتا قويماس.
ەي، مۇحاممەد، سەنىڭ زامانداسىڭ بولا الماعانىما قاتتى وكىنەمىن. ءوزىڭ تاراتقان مىنا كىتاپ سەنىكى ەمەس. ول قۇدايدىكى. بۇل كىتاپتىڭ اللادان ەكەنىن مويىنداماۋ - عىلىمدى تۇگەلدەي جوققا شىعارعانمەن بىردەي كۇلكىلى نارسە.
ادامزات بالاسى سەن سەكىلدى عاجاپ ادامدى ءبىر-اق رەت كوردى، ەندىگارى كورە الماس. مەن سەنىڭ الدىڭدا قۇرمەتپەن باس يەم».
توماس كارليل:
«ساعان جاپقان جالامىزدىڭ ءبارى شىندىعىندا ءبىز ءۇشىن وتە ۇيات. ول - جانى جايساڭ، تۇلعاسى بيىك، بارىنشا بايسالدى جان.
ماقساتى - دۇنيەنى جارىققا بولەۋ بولدى. ويتكەنى، مۇنى جاراتۋشىنىڭ ءوزى وعان بۇيىرعان».
الفونس دە لامارتين:
«ەگەر ماقساتتىڭ ۇلىلىعى سايماننىڭ ازدىعى، ناتيجەنىڭ تاڭعالارلىعى، ادام دانىشپاندىعى ارقىلى ولشەنەتىن بولسا، جاڭا كەزەڭدە مۇحاممەدپەن كىم تەڭەسە الادى؟
مۇحاممەد - فيلوسوف، شەشەن، ەلشى، تاپقىر. ادامنىڭ ۇلىلىعىن انىقتايتىن ولشەمدەر شەڭبەرىندە قاراستىرىپ كورەيىكشى، ودان وتكەن ۇلى ادام بار ما؟»
مايكل حارت:
«الەمگە ۇلكەن وزگەرىس اكەلگەن ادامداردىڭ ەڭ الدىڭعىسى رەتىندە مۇحاممەدتى قويۋىما كەيبىر وقىرماندارىم تاڭعالۋى مۇمكىن. الايدا، تاريحتا رۋحاني ءارى ماتەريالدى سالادا بىردەي جەتىستىككە جەتكەن ادام جالعىز عانا مۇحاممەد ەكەنى داۋسىز.
مۇحاممەدتىڭ يسلامعا دەگەن ىقپالى يسا ءماسىح پەن قاسيەتتى پاۆەلدىڭ حريستيان دىنىنە جاساعان ىقپالىنان الدەقايدا باسىم. مەملەكەت جۇيەسى مەن ءدىن جۇيەسىن قاتار تۇيىستىرە بىلۋىنەن-اق، ونىڭ تاريحتاعى ەڭ ىقپالدى تۇلعا ەكەنىن كورەمىز».
دەرەككوز: kazislam.kz
