قۇپيا سوزدەر كومەكتەسپەيدى: كيبەرقىلمىسقا قالاي توسقاۋىل قويۋعا بولادى؟

الاياقتىقتىڭ الدىن الۋ قىزمەتى بىلتىر 190 مىڭ جاعدايدى تىركەگەن. قىلمىسكەرلەر كوبىنە قۇپيا سوزدەردى ءدال تاۋىپ ارەكەت ەتكەن. «سيفرلىق ومىردە جەكە اقپاراتتى ەندى قالاي قورعاي الامىز؟»، دەپ جازادى BBC.

Gartner زەرتتەۋ كومپانياسى حابارلاعانداي، 2022-جىلعا قاراي بارلىق ءىرى كومانيالار قۇپيا سوزدەرگە تاۋەلدىلىكتەن %60 ارىلاتىن بولادى.

«قۇپيا ءسوز الاياقتار قولداناتىن ەڭ قاراپايىم ءادىس. ادامدار وڭاي ەستە ساقتالاتىن پارولدى تاڭدايدى، سايكەسىنشە، ولاردى بۇزۋ دا وڭاي»، - دەيدى بيومەتريالىق سايكەستەندىرۋ قىزمەتىنىڭ مامانى دجەيسون تۋلي. ونىڭ ايتۋىنشا، قۇپيا سوزدەن باس تارتۋ تەك قاۋىپسىزدىكتى عانا كۇشەيتىپ قويماي، IT بولىمدەرگە قۇپيا ءسوزدى قايتا قالپىنا كەلتىرۋگە ۋاقىت جۇمساماۋعا مۇمكىندىك بەرەدى.

ەۋرووداق ەنگىزگەن جاڭا ەرەجە بويىنشا، تولەم جاساۋ ديرەكتيۆاسىندا كليەنتتىڭ بيومەتريالىق نەمەسە تەك ءوزى عانا بىلەتىن (پين كود) مالىمەتتەرىن قولدانۋ بەكىتىلگەن.

2019-جىلى جۇرگىزىلگەن حالىقرالىق جاھاندىق زەرتتەۋ ناتيجەلەرىنە سايكەس، قازىرگى تاڭدا بيومەترياعا قىزىعۋشىلىق ارتقان. بانكتەردىڭ %67 قازىرگى تاڭدا ساۋساق تاڭباسى، داۋىس نەمەسە بەت ءپىشىندى تانۋ سەكىلدى بيومەتريالىق جۇيەلەرگە ينۆەستيتسيا سالعان.

«دەگەنمەن، شاڭحايدا وتكەن كيبەرقاۋىپسىزدىك كونفەرەنتسياسىندا بيومەتريالىق مالىمەتتەردىڭ دە ۇرلانۋى مۇمكىن ەكەنى بەلگىلى بولدى. مىسالى، ساۋساق تاڭباسىنىڭ بىرنەشە مەتردەن تۇسىرىلگەن سۋرەتى جۇيەنى وپ-وڭاي الداي الادى»، - دەيدى ماماندار.

ولاردىڭ اتاپ وتۋىنشە، قاۋىپسىزدىكتى ارتتىرۋ ءۇشىن بىرنەشە فاكتوردى قامتيتىن قورعانىسقا باسىمدىق بەرۋ كەرەك.